Қорабулоқдаги Д. Қўнаев ном­ли коллеж қишлоқ хўжалиги со­ҳа­си учун турли ихтисослар бў­йича кадрлар тайёрлайди. Ав­то­мобиллар, тракторлардан фой­­­­­даланиш ва тузатиш юмуш­лари, металларни пайвандлаш, тикувчилик, ошпазлик, қурилиш устаси, сабзавоткорлик ва боғ­­­дор­чилик гуруҳлари бор. 

Асосан қизлар таҳсил оладиган “Сабзавоткорлик ва боғдорчилик” гуруҳи учун қисқа вақт ичида ис­сиқхона барпо этилди. Унда таж­­риба ишларини ўтказиш учун барча шарт-шароитлар мавжуд. Гуруҳ раҳбари Арзимат Убаев бу йил иссиқхонада янги технология, яъни томчилатиб суғоришни ташкил­лаштирди. Бу, албатта, ҳозирги замон талаби. Коллежда иқтисодиётни юк­сал­тириб, маҳсулот унумдорлигини ошириш сирлари ҳам ўргатилмоқда. Шунингдек, А. Убаев экинларни замон талабига кўра дори­лаш, ҳосилдорликни ошириш усулларини эринмай, бирма-бир тушунтиради ва амалда кўрсатади. Гуруҳни тугатган қизлар келажакда агроном бўлиб чиқади. 

Қорабулоқ аҳолиси жуда меҳ­натсевар, тиниб-тинчимасдир. Экин-тикин билан шуғулланади, демак, ҳар бир уйга битта агроном бўлса, нур устига нур. Иссиқхонада етиштирилган бодринг, кўкатлар коллеж ошхонаси таомларини витаминлар билан бойитиб, чиқимларни оқламоқда.

Коллежимиз барча ходим­ла­рининг келажак авлодни тар­биялаш, республикамизнинг гул­лаб-яшнаши, равнақ топишига ҳисса қўшишларига тилакдошман. Барчангизга омад, соғлик ти­лаб, Ўқитувчилар куни билан табриклайман.