Куни кеча Жанубий Қозоғистон вилояти ҳокими Ж. Туймебаев  ярим асрлик тарихга эга, уч тилда таълим берувчи 12-сонли мактаб-интернатга ташриф буюрди. Мин­тақа раҳбари ушбу таълим дар­гоҳи­нинг биринчи директори, Со­циалистик Меҳнат Қаҳрамони Мар­­­жан Тасовага ўрнатилган ёд­­­гор­­ликка гулчамбар қўйиб, бола­ларнинг қўл ҳунари кўргазмаси ҳамда кутубхона билан танишди. Мактаб-интернат  мутахассислари, фахрий устозлар билан учрашди ва барчасини ўтган Ўқитувчилар куни билан табриклади. 

– Бугунги учрашувда мазкур таълим даргоҳининг  болаларни тарбиялаш ва уларга сифатли таълим бериш бобида юксак натижаларга эришган фахрий устозлари иштирок этмоқда, – деди вилоят ҳокими ўз сўзида. – Ушбу маскан битирувчилари Қозоғистоннинг турли бурчакларида меҳнат қи­либ, эл фаровонлигига салмоқли улуш қўшмоқдалар. Мингдан ортиқ шо­гирдларни тарбиялаб етиштирган фахрий устозлар тажрибаси ўқувчи­ларга ҳамиша ўрнак бўлади. Таълим даргоҳининг ҳар бир ютуғи – ўқитувчи ва ўқувчининг баҳамжиҳат меҳнати ҳосилидир.

1961 йилда очилган мактабда ака­демик Тинисбек Қалменов, Аманбек Ақа­­ев, Абу Менлибаев, профессор Жан­сейит Туймебаев каби фан ва таълим соҳасининг таниқли арбоблари  таълим олишган. Бугунги кунда мактабда 485 ўқувчи таълим олмоқда. Улардан 122 нафари  фақат “аъло” баҳоларга ўқимоқда. 41 нафари  вилоят олимпиадалари ва илмий лойиҳалар ғолиби. Болаларга 56 нафар олий тоифали муаллим ва 33 тарбиячи сабоқ бермоқда. 

Жорий йилда Ягона миллий тест синовларида ўқувчилар ўртача 100 балл олишди. Илғор ўқувчи Айна Пернеқулова эса 137 балл олишга муваффақ бўлди.