Жанубий Қозоғистон вилоятидан Ўзбекистонга йўл олган “Дўстлик  карвони”  иштирокчилари Ватанга қайтиб келдилар. Таркибига зиёлилар, меҳнат фахрий­лари, этномаданият  бирлашмалари раислари ва ОАВ вакиллари кирган карвонни Ўзбекистондаги Қозоқ миллий маданият маркази раҳбарияти  кутиб олиб, қўшни мамлакатнинг тарихий-маданий жойлари билан таништирди. 

Қардош мамлакатлар ора­сидаги дўстона ало­қа-­муносабатларни ривож­­­лан­­тириш мақсадида ташкил этилган сафар давомида қозоғистонликлар даставвал Тошкентдаги Тўлебий бобо мақбарасини зиёрат қил­­­­­­­дилар. Самарқанддаги маш­ҳур Регистон тарихий-меъморий мажмуаси билан танишиб, Шоҳи-Зинда та­рихий мажмуасига дафн этилган Ўзбекистоннинг Биринчи Пре­зиденти Ис­лом Каримовнинг руҳига Қуръон бағишлашди. Сўнг Бухородаги Баҳо­вуддин Нақш­бандий мавзолейини  то­­­­­­­­моша қилдилар.

Ушбу сафар Ўзбекистон Республи­каси­нинг Пре­зиденти Шавкат Мирзиё­евнинг март ойида  Қозо­ғистонга қилган иш сафари  пайтида Қозоғистон халқи Ассамблеяси  ва Ўзбекистон Байналмилал маданий мар­кази ўртасида тузилган ҳам­­­­­­­­­­­­­­­­­­дўстлик ҳақидаги мемо­рандум доирасида уюшти­рилди. Меморандум икки мамлакат ўртасидаги ма­­даний алоқаларни чуқур­лаштириб, Қозоғистон хал­­­­­­қи Ассамблеяси билан  Ўз­­­­­­бекистон Байналмилал ма­­­­­­даний мар­­­­­­казининг ҳам­корлигини янада мустаҳ­камлашни кўзда тутади.

Шунинг доирасида эт­нослараро бирликни таъ­мин­­лаётган ташкилот­лар­­­нинг иккала мамлакатга   эт­­­­­­­­­­­­­­­­­­­­­­­­но­­­­­­­­­­­­­­­­­­­саёҳатлар ташкил этишига имконият берил­моқда. "Дўстлик карвони" ЖҚВ Қозоғистон халқи Ас­самблеясининг ташаббуси билан Ўзбекистонга  иккинчи марта  отланди. 

– Дўстона ниятдаги ўз­бе­­­кистонлик деле­гат­лар Жанубий Қозоғистон ви­лояти­нинг тарихий жой­ларига саёҳатлар уюш­ти­ришмоқда, – дейди кар­­­­вонни бошлаб борган вилоят  ҳокими девони “Ижтимоий тотувлик” ДКК раҳбари Ер­бўл Байқўнақов. – Расмий маълумотларга кўра, бугунги кунда Ўзбекистонда 800 минг­дан зиёд қондошларимиз истиқомат қилади. Қозоғис­тондаги ўзбек этноси вакил­ларининг сони эса  550 мингга яқин. Келажакда “Дўстлик карвони” лойиҳаси доирасида икки мамлакат ўртасидаги  маданий ҳамкорлик бунданда  ривожланишига ишончим  комил.