Шимкент шаҳрида “Нур Отан” партияси шаҳар фи­лиали ташаббуси билан “Нурли Ер” уй-жой қурилиши дастурини тушунтириш мақсадида “Кўксай-2” кичик ту­мани аҳолиси билан учрашув ўтказилди. Унда дастурни амалга оширишга масъул давлат органлари раҳбарлари, оммавий ахборот воситалари, ноҳукумат ташкилотлари вакиллари ва фаол партия аъзолари иштирок этдилар.

“Уй-жой қурилиш жамғарма банки” ви­лоят филиали бўлим мудири Мухтар Турсинбеков “Нурли Ер” уй-жой қурилиш дастурининг мақсадлари ва вазифаларини кенг тарғиб қилди.

– 15 йилда “Нурли Ер” дастури бўйича 1,5 миллионга яқин ҳамён кўтарадиган баҳода уй-жой қуриш режаланган. Дастур­нинг асосий мақсади – аҳолига уй-жой­нинг ҳамёнбоплигини таъминлаш ҳамда уй-жой қурилишини ривожлантириш масалаларини узил-кесил ҳал қилишдан иборат, – деди у.

– “Нур Отан” партияси Енбекши туман филиали раисининг биринчи ўринбосари Берик Садиқов учрашувда дастур ҳақида маъруза қилиб:

– Элимизда уй-жойга эҳтиёж ортиб, аҳолини бошпана билан таъминлашни яхшилашга талаб кун сайин ортмоқда. Шимкентда уй-жой олиш учун 20 минг­дан зиёд ариза рўйхатга олинса, ер участ­касини олишга ариза берганлар сони 90 мингдан ошади. Шу сабабли, Давлат раҳбарининг топшириғига кўра, жорий йилдан бошлаб “Нурли ер” ягона уй-жой қурилиш дастури амалга оширилмоқда. Биз, партия аъзолари дастурнинг си­фатли амалга оширилишини ҳамда ажра­тилган маблағнинг натижали ишла­тилишини назоратимизга оламиз, – деб сўзини якунлади.

Учрашувга келган фуқаролар дас­тур доирасида элимизнинг қайси ҳудуди­дан уй олиш мумкинлиги, янгидан қу­рил­ган тайёр уйни сотиб олиш имко­ниятлари дастлабки бадал миқдори, молиялаштириш, уй-жой харид қилишга оид саволлар берилди. Масъул мутахассисларнинг жавоблари йиғилганларни қониқтирди.