Жанубий Қозоғистон вилоятида бошқариш тизимини такомиллаштириш мақсадида тўртта бошқарма қайта тузилади. Бу ҳақда Жанубий Қозоғистон вилоят маслаҳатининг олтинчи чақириқ навбатдан ташқари XIV сессиясида маълум қилинди. 

Минтақада туризмни бар­қарор ривожлантириш ва ви­лоятга жалб этилган ташқи сармоя миқдорини орттириш мақсадида «Туризм ва ташқи алоқалар бошқармаси» ту­зилади. Иккинчи янги бошқарма «Ахборотлаштириш, давлат хизматлари кўрсатиш ва ар­хивлар» бўлса, яна бир – оила­вий қадриятларни тиклаш, зўра­вонликларнинг олдини олиш мақсадида тузилган «Оила, болалар ва ёшлар бош­­қармаси» деб номланади. Маданият ва она тилини, шунингдек, вилоятда истиқомат қилаётган турли этномаданият бирлашмалари вакилларининг тилларини  ривож­лантириш мақ­садида «Маданият ва тилларни ривожланлантириш» бошқармаси ташкил этилади. 

Сессияда иштирок этган ви­­­лоят ҳокими Ж. Туймебаев таъкидлашича, тузиладиган бош­қармалар бошқарув тизимини оптималлаштириб, минтақанинг ижтимоий-иқти­содий ривож­ланишида катта  ҳисса қўшади.

– Вилоятнинг асосий даромад манбаи – қишлоқ хўжалиги, чор­вачилик, саноат, қурилиш ва туризм. Яъни, туризмни бундан ҳам ривожлантиришимиз ке­рак. Шунинг учун туризм ва ташқи алоқалар бошқармасини тадбиркорлик бошқармасидан ажратяпмиз. Дунёнинг бир қанча ривожланган давлатларида туризм шу юртнинг иқтисодига яхши даромад келтирмоқда.  Масалан, биргина Туркия Рес­публикасида йилига туризмдан 40 млрд. АҚШ доллари миқдо­рида даромад топилади. Бир­галикда туризм соҳасини ри­вожлантиришимиз керак, – деди ҳоким. 

Сессияда  бундан ташқари, 2017-2019 йилларга мўлжалланган вилоят бюджетига ўзгартиш ва қўшимчалар киритиш, Чордара шаҳрининг ҳамда Қауисбек Ту­рисбеков қишлоқ округининг чега­раларини ўзгартириш, ви­лоятда фаолият юритаётган давлат юридик шахсларга ном бериш  ва қайта номлаш ҳақидаги таклифларни тайёрлаш, қиш­лоққа ишга юборилган тиббиёт ва фармацевтика ходимларини ижтимоий қўллаш чораларининг тизими каби 13та масала кўриб чиқилди.