Туркистон темирйўл вокзалида туркистонликлар Хорватиянинг Загреб шаҳрида дзюдо бўйича октябрь ойининг поёнида ўтган жаҳон чемпионатининг бронза медали соҳиби Дидар Ҳамзани зўр тантана билан қарши олдилар. 

Дидарнинг мураббийи отаси – Марат Пайзиев. Дидарнинг 73 кг. вазнда жаҳоннинг 83 мамлакатидан кучли спортчилар иштирок этган беллашувда учинчи ўринни эгаллаши нафақат Туркистон, балки Қозоғистон спорти учун улкан муваффақият. Дидар Бразилияда ўтган олимпиадада ҳам иштирок этган иқтидорли спортчи. Унинг раҳбари, Туркистондаги А. Нурмаханов номидаги олимпиада захираларини тайёрлайдиган вилоят ёшлар ва ўсмирлар спорт мактабининг директори Даурен Танирбергенов бундай оламшумул ғалаба мактаб тарихида биринчи марта ўрин олганини таъкидлади.

– Жорий йилда спорт мактабимизнинг 87 нафар шогирди Республика чемпионати фахрли Осиё чемпионати, жаҳон биринчилигида фахрли ўринларга сазовор бўлишди. Келгуси режаларимиз янада улкан, Элбошимизнинг Мактуби, “Келажакка йўланма: маънавий янгиланиш” мақоласида белгиланган вазифаларни амалга оширишга баҳолиқудрат ҳисса қўшамиз, – деди спорт мактаби директори Д. Танирбергенов. 

Суратда: Туркистон темирйўл вокзалида жаҳон чемпионати совриндорини кутиб олиш чоғи.