Жанубий Қозоғистон вилоят Қозоғистон халқи Ассамблеяси ташкилотчилигида ҳудудимиздаги этномаданият бирлашмалари орасида енгил атлетикадан спорт мусобақаси ўтди.

Ўнинчи маротаба ўтказилаётган мусобақанинг очилиш маросимида вилоят Қозоғистон халқи Ассамблеяси раисининг ўринбосари Муратали Қалмуратов ишти­рокчиларга му­ваф­­­фақият тилади. У ўз сўзида, ви­­­­­лоятимиздаги этнос­ларнинг дўст­­­­­лиги, баракали бирлигини кучай­тиришга хизмат қиладиган тадбирнинг аҳамиятига тўхталди.

Вилоятимиздаги этномаданият бирлашмалари ва вилоят ҳокими девони “Жамоат тотувлиги” давлат коммунал корхонаси ходимларидан иборат  жамоалар кичик футбол, шаҳмат, стол тенниси, югуриш, арқон тортиш каби спорт турларидан куч синашдилар.

Тортишувларга, қизиқарли лаҳза­ларга бой ўтган мусобақа якунига кўра, бош соврин вилоят ўзбек этно­маданият бирлашмаси жамоасига насиб этди. 1-ўрин – славян, 2-ўрин – чечен-ингуш, 3-ўрин эса уй­ғур этномаданият бирлашмалари  жамоа­ларига буюрди. 

Мусобақа якунида ғолиб ва сов­риндорларга пулли мукофотлар топширилди.