Жанубий Қозоғистон вилояти ҳокими Жансейит Туймебаев маданият ҳамда санъат мавзуларига  ихтисослашган хорижлик етакчи оммавий ахборот воситалари вакиллари билан учрашди.

Элимизга ҚР Ташқи ишлар вазир­лигининг таклифи би­лан келган делегация тар­кибида Америка Қўшма Штатларидаги “Forbes” жур­нали вакили Александр Ли­пов­­сев, Буюкбританиянинг “Opera Now” журнали вакили Н. Джоунс, Бирлашган Араб Амирликларининг “The Diplomatic Society” журнали вакили Бхана Киртан, Мисрдан “Ниль-Культура” телеканали вакили Аҳмед Фатма, япониялик “Киодо Цушин” ахборот агентлиги вакили Линума Кениши раҳбарлигидаги 20 дан зиёд меҳмонлар бор.

Тадбирда сўз олган ви­лоят ҳокими Жанубий Қозо­ғистон вилоятига мах­сус мат­буот-сафари билан келган меҳмонларга миннатдорчилик бил­дирди.

– Қозоғистоннинг тарихий жойлари харитасида вило­я­­­­­­­­­­­­­­­­­­­тимиздаги 104та қадимий жойлар бор. Минтақамизда сай­ёҳлик соҳасини ривож­лантириш мақсадида тарихий жойларни – Қа­зиғурт, Ўрда­боши тоғлари ҳамда ўрта асрга тааллуқли Ўтрор, Саврон, Сай­рам, Сидақ, Мартўбе шаҳар­чалари ва Жуантўбе, Қараспан, Култепа каби қадимий аҳоли манзилларини аслига келтириш ишлари бошланади. Шунингдек, Сайрам туманидаги “Хон­қўр­­­ғон” археологик шаҳарчаси очиқ осмон остидаги музейга айланади, – деди Жансейит Туймебаев.

Учрашув эркин шаклдаги музо­каралар билан давом этди. Хорижлик меҳ­монлар минтақа раҳбарига қатор так­лиф­лар айтиб, вилоятнинг туризм соҳа­сини тарғиб этишга баҳолиқудрат улуш­ларини қўшишга ваъда беришди.