– “Қувноқлар ва зукколар” кўрик-танлови биз, талабалар учун ўзига хос имконият майдонига айланди, – дейди жамоа аъзоси  А. Қаипов. – 3 та шарт бўйича ўз истеъдодимизни намойиш этдик. Яъни, танишув шарти бўйича “Янги мавсум му­борак”, савол-жавоб шарти бўйича “Интернетда ёзилишича…”, мусиқий чи­қиш шарти юзасидан “Сўнгги янги­ликлар” мавзулари чинакам истеъдодларни кашф қилди, де­сак муболаға бўлмайди. Ҳар бир жамоанинг ҳазил-мутойибага бой чиқишлари мухлисларда катта қизиқиш уйғотди.

– Барча саҳна кўринишлари за­мирида ёшларни ватанпарварлик, инсонийлик, тинчлик ва дўстликка чорловчи ғоялар мужассамдир,– дейди “Ёшлар имконият маркази” ДКК вакили Қайрат Қипшақов.– Уларни теран нигоҳ билан кузатган ёшлар қалбида она Ватанга муҳаббат туйғулари жўш уриши табиий. Айни пайтда йигит-қизлар орасида соғлом турмуш тарзини тарғиб қилиш, четдан кириб келаётган “оммавий маданият”нинг олдини олишга қаратилган саъй-ҳаракатлар ҳам ўз ифодасини топган.

12та жамоа иштирок этган тан­ловда совринли ўринларни 7-сонли мактабнинг «Тефал», 2-сонли мак­табнинг «Шуақ», Ленгер тиббиёт коллежининг «Екі жарты бір бүтін» жамоалари эгаллашди.