Шимкент шаҳридаги Фурқат номли 37-сонли умумий ўрта мактабнинг юқори синф ўқувчилари Элбоши Н. Назарбаевнинг “Келажакка йўлланма: маънавий янгиланиш” дастурий мақоласи доирасида лотин алифбосининг  афзалликларига бағишланган давра суҳбати уюштиришди. Тадбирда Қозоғистон Республикаси ўзбек этномаданият бирлашмалари “Дўстлик” ҳамжамияти раисининг ўринбосари, оқсоқоллар кенгашининг раиси, кўп йиллар давомида “Өрлеу” ўқитувчилар малакасини ошириш институтида фаолият юритган тажрибали педагог  Бегмат Турдиқулов, ҳамжамият раисининг таълим-тарбия, гендер тенглиги, урф-одатлар ва анъаналар, оналар кенгаши ишлари бўйича ўринбосари, Ал Форобий туман ўзбек этномаданият бирлашмаси  раиси, устоз Нурхон Дўсметова,  мактаб директори  Гаухар Байбўсинова ҳамда ўқитувчилар иштирок этишди.

Давра суҳбатини 8-“Б” ва “В”синф ўқувчилари Гўзал Ҳожимуродова ҳамда  Озода Ходиматовалар олиб боришди.

–Элбошимиз дастурий мақоласида  таъкидланган қуйидаги жумлалар бизни беихтиёр ўйлашга мажбур қилади, – деди Г. Ҳожимуродова.

Мана, тинглаб кўринг-а.

“Мақсадга эришиш учун тафак­ку­римиз ишимиздан олдинда юриши, яъни ундан аввал янгиланиб туриши керак. Бу сиёсий ва иқтисодий янгиланишларни тўлдирибгина қўймай, уларнинг ўзагига айланади. 

Давра суҳбати давомида ўқувчилар қизғин мунозарага киришиб кетдилар, ўзла­рини тўлқинлантираётган савол­ларга тўлақонли  жавоблар олдилар. 

Тадбир сўнгида ўзбек тили ва ада­биёти бирлашмаси раҳбари Зебо Ра­шидова тадбирни уюштирган ўзбек тили ва адаби­ёти ўқитувчилари Та­ваккал Турсунов, ҳамда Инобат Ума­ровага миннатдорчилик  билдирди.

Мактаб директори Гаухар Байбў­синова эса давра суҳбати ишти­рокчилари ва меҳмонларга самимий ташаккурини  изҳор қилди.  

Суратда: давра суҳбати иштирок­чилари.