“Ўтрор” вилоят илмий-оммабоп кутубхонасида Жанубий Қозоғистон вилоятининг фахрий фуқароси, «Парасат», «Құрмет» орденлари со­ҳиби Қуаниш Айтахановнинг 70 йил­лик юбилейига бағишланган адабий кеча ўтди. 

Унда вилоят ҳокими ўринбосари Уласбек Садибеков, «Нур Отан» пар­тияси Жанубий Қозоғистон вилоят филиали раисининг биринчи ўринбосари Нурмахан Жўлдасов, вилоят фахрий­лари ва зиёлилари, талаба-ёшлар иштирок этишди.

 Йиғилишни Константин Симонов номли Халқаро мукофот лауреати Нармахан Бегалиули олиб борди. 

Ўтрорнинг таниқли фарзанди қала­мига мансуб “Элга хизмат – бош мақ­сад”, “Халқимга хизмат қилдим”, “Умр довонлари”, “Сўз сўрайман” ва бошқа китоблари халққа таниш. Собит эътиқод, диёнат соҳи­би бўлган арбобнинг камтаринлик, одамийлик, юртга садоқат билан хизмат қилиши каби фазилатлари ёшларга доимо ибратдир. Учрашув давомида Қуаниш Айтахановга қатор саволлар берилди. Шамши Қалда­яқов номли вилоят филармонияси санъат­корлари эса Ўтрорга бағишланган  гўзал қўшиқларини тақдим этдилар. 

Шу куннинг ўзида кутубхона қошида арбобнинг китоб­лари кўргазмаси ташкил этилди ва “Умр довонлари” ҳамда “Хизмат этдим халқимга” китобларининг тақдимоти ўтди.