ҚР Миллий хавфсизлик қўмитасининг Жанубий Қозоғистон вилоят департаменти ва прокуратуранинг бирлашган тезкор-тергов гуруҳи “Қумкент-Павлодар-Шимкент” нефть қувурларидан хомашё ўғирлаб келган жиноий гуруҳ аъзоларини қўлга олди.

Улар нефть қувуридан 100 тоннадан зиёд хомашё ўғирлаган. Жиноятчилар ўмарилган нефтни Шимкент шаҳри ҳамда вилоят ҳудудидаги асфальт-битум заводларига сотишган. Шунингдек, қўшни вилоятларга етказиб берилган нефть қайта ишланиб, контрабанда йўли билан яқин хориж давлатларига чиқарилган.

Ишга тегишли тахмин билан 13 фуқаро ушланиб, ҳар бирининг уйида тинтув юритилди. Ҳозирги кунда жиноий иш юзасидан тергов-текшириш ишлари бошланди.

– Жиноятни фош қилиш мақсадида вилоятда жойлашган 3та асфальт заводида текшириш олиб борилди. Уччала завод ҳам сотиб олган, бошқа вилоятларга ҳам чиқарилган. Улар орасида мансабдор шахслар ҳам бор. ҚР ЖКнинг 262, 188, 197-моддалари асосида жиноий иш қўзғатилди, – деди вилоят прокуратураси махсус прокурорлар бошқармасининг бошлиғи Асқар Алтибаев.