Шимкент шаҳридаги “Қозоғистон халқи Ассамблеяси” биносида Тўнғич Президент кунига бағишланган байрам тадбири ўтди 

Унда иштирок этган вилоят ҳокими Жан­сейит Туймебаев фойеда уюштирилган “Элбоши Мактуби йилномаси” номли фото ҳамда китоб кўргазмасини оралаб кўрди.

Минтақа раҳбари Назарбаев заковат мактаби ўқувчилари ташкил этган “Биз Элбоши билан биргамиз” флешмобини томоша қилди.

Тантана “Қозоғистон Республикасининг Тўнғич Президенти куни” махсус тайёрланган фильми билан бошланди. Ўз навбатида сўзга чиққан минтақа раҳбари йиғилганларни байрам билан қутлаб, 16 нафар фуқарога Ташаккурнома топширди.

– Сизларни 1 декабрь – Қозоғистон Рес­публикаси Президенти куни билан чин дилдан табриклайман. Бу барча қозоғис­тонликлар учун чин маънода умумхалқ шодиёнаси куни. Бугун Элбошининг доно ташқи сиёсати натижасида Мустақил Қозоғистон 70дан зиёд халқаро, минтақавий ҳамда маҳкамалараро ташкилотларга аъзо. Ишонч билан топширилган йирик халқаро ташкилотларнинг раислигини адо этиб, муҳим иш-ҳаракатларни юксак даражада амалга ошириб келмоқда, – деди минтақа раҳбари.

Бугунги кунда вилоятимиз аҳли бирдамлик ва тотувлик, миллатлараро ҳамжиҳатлик туфайли Тўнғич Президентимизнинг “Қозо­ғистон – 2050” Стратегияси, “100 аниқ қадам” Миллат режаси талаблари ва вазифаларини амалга оширишда аниқ натижаларга эришмоқда.

Элбошининг “Маънавий янгиланиш”, яъни ижтимоий тафаккурни янгилаш вазифаларини амалга оширишда жану­бийқозоғистонликлар ҳам ўз ҳисса­ларини қўшмоқда. Бугунги кунда тадбиркорлар ҳамда ҳомийлар томонидан жами 30 млрд. 350 млн. тенгелик 529та минтақавий лойиҳа амалга оширилмоқда.

Тадбирда “Шаттық”, “Шамсинұр“ рақс дасталари “Маънавий янгиланиш”  хорео­график композициясини ижро этди. Ш. Қалдаяқов номидаги вилоят филармонияси хонандалари эса Элбоши севиб тинглай­диган қўшиқлардан попури ижро этиб, байрамга файз бағишлади.

Тантана сўнгида Миллат етакчиси Н. А. На­зарбаев ҳақидаги “Болалигим ос­мони” фильмидан парча кўрсатилди. Арис шаҳридаги ҳарбий гарнизоннинг хор жамоаси “Нұр аға” қўшиғини ижро этди.