Кеча Қозоғистон Президенти Нурсултан Назарбаев ”Мамлакатнинг янги саноатлаштирилиши: қор қоплонининг сакраши” мавзусида ўтказилган умуммиллий телекўприк давомида қатор саноат корхоналарини ишга туширди. Асосий мавзу: корхоналарни қайта жиҳозлаш ва рақамли технологияларга ўтиш. 

Онлайн тартибида мамлакатимиздаги инновация, инфратузилма, энергетика ва агросаноатга оид лойиҳалар ишга туширилмоқда. Шу жумладан, Ақсу қасабасида олтин ажратиб олувчи фабриканинг илк маҳсулоти олина бошланди. Ақтўбе ва Атирау вилоятларида нефт-газ шўъбаси машинасозлик корхоналари иш бошлашди. Қозоғистон шимолида, шарқида ва ғарбида замонавий ускуналар билан жиҳозланган озиқ-овқат саноати корхоналари фаолият бошлашди. Қарағанди вилоятида эса эски автомобилларни йўқотиш ва қайта ишлаш заводи қурилиши якунланди.

– Қозоғистон мустақилликка эришган пайтда республикада атиги 700000та автомобиль бор эди, – деди Нурсултан Назарбаев, – завод очилиши муносабати билан ҳозир йўлларимизда 5 миллиондан ортиқ машина бор. Ҳамма буюмлар каби, улар ҳам аста-секин эскириб, ишдан чиқади ва атроф-муҳитни ифлослантириши мумкин. Сизлар эса улардан яратувчанлик йўлида фойдаланмоқдасиз. Зарур кабеллар, металларни ажратиб олиб, такрор ишлатилишига йўл очмоқдасиз. Бугунги кунда мамлакатимизда 18 хил енгил автомобиллар чиқарилишини ҳисобга олсак, сиз улкан истиқболлар қаршисидасиз. Бетакрор корхонанинг бетакрор қурилиши якунланиши билан сизларни муборакбод этаман!