Элбоши телекўприк давомида Шимкентдаги 20 миллион қути дори чиқарадиган цехни ишга туширди

“Химфарм” ҳиссадорлик жамиятига қарашли цехнинг лойиҳа қиймати 13,5 миллион АҚШ доллари. Тадбиркорликни қўллаб-қувватлаш доирасида ишга туширилган цех маҳсулотларининг 80 фоизи ички бозорга, 20 фоизи эса экспортга йўналтирилади.

Қаттиқ дори чиқарадиган ишлаб чиқариш цехи замонавий ускуналар билан жиҳозланган. Бу ерда 72 киши иш билан таъминланса, уларнинг асосий қисми “Polpharma” гуруҳининг ишлаб чиқариш ўринларида ўқиб келган. Мазкур лойиҳа – Шимкентдаги сармоявий лойиҳаларнинг аҳамиятлиларидан бири ҳисобланади.

Компаниянинг бош директори Ижи Урбанец тўртинчи цех фаолиятини бошлаганини маълум қилди.

– Биз, умумий 108 млн. АҚШ доллари миқдорида сармоя ажратишни режалаштирганмиз. Янги цехни ишга туширгандан сўнг, экспорт ҳажмини 5 млрд. тенгега етказа оламиз. “Химфарм” томонидан фармацевтика соҳасини қўллаб, сармоядорларга қулай шароит яратиб бераётганингиздан мамнунмиз, – деди Урбанец.

Бугунги кунда заводда 1200дан зиёд юқори малакали ходимлар меҳнат қилмоқда. Ишлаб чиқарилган барча маҳсулотлар сифат жиҳатидан замон талабларига жавоб беради. “Химфарм” ҲЖ лойиҳалари Президентнинг фармацевтика бозоридаги ўз маҳсулотларимиз ҳажмини орттириш вазифаси индустрлаштириш ва дунёвий янгиланиш дастури доирасида амалга оширилмоқда.

GMP андазаларига мос келадиган мазкур цехда йилига турли касалликларни даволашга мўлжалланган 20 миллиондан зиёд қути дори чиқарилади. Келажакда цех йилига 600 миллион таблетка ишлаб чиқаришни режаламоқда. "Бунга имкониятларимиз етарли", дейди компания вакиллари.