«Kazakh Tourism» Миллий компанияси» ҲЖ Тўнғич Президент жамғармаси билан ҳамкорликда «Элбошининг ҳаёт йўли» эсселар танловини эълон қилди. Унда 13-17 ёш оралиғидаги барча мактаб ўқувчилари иштирок этишлари мумкин. 

Танлов Қозоғистоннинг мустақилликка эришиши, миллий давлатчиликни шакллантириш, шунингдек, халқ меросини оммалаштиришдаги тарихий ўрнини мустаҳкамлаш мақсадида ўтказилади.

Материаллар қуйидаги талаблар асосида сараланади:

Биринчи Президентнинг мустақилликни қўлга киритиш ва миллий давлатчиликни қуришдаги тарихий роли ва улкан ҳиссасини ёритиш;

Элбошимизнинг ҳаёт йўли ва кўп қиррали фаолиятини кўрсатиб бериш;

Давлат раҳбарининг «Келажакка йўлланма: маънавий янгиланиш» дастурий мақоласида белгиланган вазифалар доирасида «Туғилган ер»ни улуғлаш, муқаддас қадамжоларнинг тарихи орқали элимизга сайёҳларни жалб этишга ҳисса қўшиш;

 илмий манбаларнинг кенг қўлланилиши;

 юқори савиядаги илмий ва бадиий тилнинг қўлланилиши;

кенг оммага тушунарли бўлиши.

Элбошининг вилоятларга ташрифини кенг ёритиш.

Кўрик-танловга 2016-2017 йилларда маҳаллий газета ва журналларда чоп этилган, интернет нашрларида берилган эсселар 2017 йилнинг 22 декабрига қадар қабул қилинади.

Танлов ғолиблари учун қимматбаҳо мукофотлар белгиланган.