Жанубий Қозоғистон вилоят маслаҳатининг навбатдаги ўн саккизинчи сессияси ўтди. Унда  2018 йил  вилоят бюджети 447,7 млрд. тенге миқдорида  белгиланди. Бу кўрсаткич 2017 йилдагидан 32,3 млрд. тенгега кўп. Айни вақтда ушбу маблағнинг мутлақ кўп қисми ижтимоий соҳага йўналтирилмоқда. 

Шу жумладан, соғликни сақлашга 19,5 млрд. тенге, таълим соҳасига 42,9 млрд. тенге ажратилади. Аҳолини ичимли сув билан таъминлашга 6 млрд. тенге бўлинди. Яна 13 аҳоли манзилига марказлаштирилган қувурдан сув келади. Ичимли сув билан таъминланган аҳоли манзиллари сони 636 тага етади. 

 Шу билан бирга, бунёдкорлик ишларига алоҳида эътибор қаратилмоқда. Жами, 320 та ижтимоий иншоотнинг қурилиши бошланади. Бу эса аҳолини иш билан таъминлашга ҳам ижобий таъсир кўрсатади. 72 уй (умумий майдони 208,6 минг квадрат метр бўлган 3434 квартира, 16та муҳандислик-коммуникация инфратузилмалари, 67та “зангори олов” билан таъминловчи иншоотлар фойдаланишга топширилади. Бу 28 аҳоли манзилида яшаётган 64 844 нафар юртдошимизнинг хонадонларига табиий газ киритилади, дегани. 2,9 млрд. тенге сарфлаб, 12та электр таъминоти иншоотларини қуриш яна 16та аҳоли манзилида сифатли энергия таъминотини йўлга қўяди.