Қозоғистон Рес­пуб­ли­ка­­­­­­­­­си Мустақиллик куни ара­­­фа­­сида “Қозо­ғистон халқи Ас­­­­­­­самблеяси” биносида вилоят ўзбек этномаданият бирлашмаси қошидаги санъат­корлар уюш­­маси ташаб­­­­буси билан “Офарин” фестивали ўтди.

Тадбирда “Олтин мерос”, “Фар­ҳод”, “Сўғдиёна”, “Сардор” гуруҳ­лари ҳамда Ўзбекистондан “Сато” дастаси иштирок этишди.

Фестивалнинг асосий мақ­­­­­­­­­са­­ди – Элбошимизнинг “Маъна­­­­вий янгиланиш: келажакка йўл­­ланма” дастурий мақоласида белгиланган вазифаларни амал­га ошириш, ёш авлодни ҳар то­монлама етук камол топтириш, уларда эс­­­­­­­­тетик тарбияни юксалтириш, миллий мусиқа дур­­­­доналаридан баҳраманд этиш, миллий-маданий қадриятларимизни улуғлаш, азалий урф-одатларимиз доирасида санъаткор ота-боболаримиздан мерос бўлиб келаётган миллий чолғу асбобларимизни, улар­­дан тараладиган мумтоз куйларни асраб-авайлаб, кейинги авлодга етказишдан иборат.

– Миллий ва маънавий меросимиз асрлар мобай­нида халқимизнинг бебаҳо хазинаси сифатида кўнглимизни нурафшон қилади, ҳаётнинг ғам-андуҳларидан йироқ этиб, гўзал ва ёқимли хатти-ҳаракатларга чорлайди. Мумтоз куйлар, миллий мусиқий дурдоналар эса, инсонни руҳий камолотга, гўзал туйғуларни қалбан ҳис этишга, маънавий баркамол бўлишга ўргатади, – деди вилоят ўзбек этномаданият бирлашмаси раисининг ўринбосари Гулираъно Расулова.

Фестивалда  асл қўшиқнинг қалбларга етиб бориб, кўнгилни забт этиши шу тарзда яна бир карра ўз исботини топди.

Тадбир сўнггида вилоят ўзбек этномаданият бирлашмаси томонидан ҳар бир иштирокчи ва гуруҳ­ларга пулли мукофот ҳамда ташаккурномалар тақдим этилди.