Шеърларим тузиб,

Достонлар ёзиб, 

Гулдаста қилиб, 

Сенга атадим, 

Қозоғистоним, 

Менинг Ватаним!

Бепоён ерим, 

Мангу бўл элим,

Бахтга лиммо-лим,

Маконим менинг, 

Қозоғистоним, 

Азиз Ватаним!

Яссавий руҳи,

Қўллайди бизни 

Тинчлик-бирликка, 

Чорлайди бизни.

Гўзал Шимкентим. 

Яшнайвер доим. 

Сайрам – Туркистон. 

Бир жону таним,

Қозоғистоним, 

Менинг Ватаним!

Қолди тарихда, 

Хонлар эрлиги. 

Тинчлик гарови,

Халқлар бирлиги. 

Менинг шиорим –

Қозоғистоним, 

Азиз Ватаним!

Юртбоши бизнинг, 

Нурсултон оғам. 

Омон бўлса бас, 

Йўқдур қайғу ғам.

Кўрсатиб берди, 

Юз аниқ қадам. 

Олға босамиз, 

Бирма-бир шахдам.

Қонунимиз бор, 

Ҳаммага бирдек

Меҳнат қиламиз,

Тинчлик-бирлик, деб

Имоним бутун.

Динимиз ислом. 

Яшаймиз бугун, 

Тинч-тотув хуррам.

Бахтли яшайман,

Озод Ватанда. 

Шеърлар ёзаман,

Доим ҳар тонгда.

Қушлар сайрайди,

Гулзор чаманда. 

Худога шукур, 

Шундай замонга,

Ватанни севгил,

Ота-онадек. 

Қўриқла уни, 

Бир дурдонадек.

Сотма Ватанни, 

Сотма отангни. 

Номусинг сақла, 

Олса ҳам жонни.

Муборак бўлсин, 

Маданий пойтахт.

Туркистон номинг, 

Мақтайман ҳар гал.

Бу кўҳна шаҳар,

Менинг маконим. 

Керак бўлса гар,

Берарман жоним.

Сенга бахш этдим, 

Шеърим, ижодим, 

Яшнайвер доим,

Қозоғистоним,

Азиз Ватаним!