Бирлашган Миллатлар ташкилотида Қозоғистоннинг 26 йилда эришган муваффақиятлари эътироф этилди.

Турли давлатлар дипломатия хизматлари раҳбарлари Давлат раҳбари Нурсултан Назарбаевнинг шижоати, оқилона қарорлари ёш, мустақил давлатнинг оёққа туриб олиши учун таянч нуқтаси бўлганини, Элбошининг ташаббуслари тараққипарвар халқаро ҳамжамият томонидан қўллаб-қувватланаётганини қайд этишди. 

Нектон Мхура, Малавининг БМТдаги доимий аъзоси: «Қозоғистон БМТ аъзоси. Келгуси йилда Хавфсизлик кенгашида раислик қилади. Бу, албатта, тарихий муваффақият, зеро, бундай масъулиятли вазифа Қозоғистонга илк бор юклатилмоқда. Демак, Сиз, БМТдаги бизнинг ҳам вакилимизсиз. Сизни юртимизда интиқлик билан кутамиз. 

Минтақавий хавфсизлик ва барқарорликни таъминлаш, Марказий Осиёда иқтисодий ҳамкорликни ривожлантириш Қозоғистоннинг БМТ Хавфсизлик кенгашидаги фаолиятида устувор вазифага айланди. Сизни Мустақиллик куни ва Янги йил билан табриклайман”.

Нектон Мхура Астана ўзини глобал хавфсизликка таъсир кўрсатувчи учрашув ва музокаралар ўтказилувчи авторитар халқаро майдон сифатида намоён этганини таъкидлаб, Сурияга доир музокаралар самарадорлигини мисол тариқасида келтирди.

Идорада таъкидланишича, БМТ аъзолари томонидан Қозоғистонга миннатдорчилик билдирилиб, Астананинг минтақавий ва глобал ҳамкорликни мустаҳкамлашга йўналтирилган халқаро ташаббуслари юқори баҳоланган.