Мустақиллик куни арафасида Қозоғистон хал­­­­­­­қи Ассамблеяси раиси ўринбосари – ҚХА котибияти мудири Д. Минбай мамлакатимизнинг ижтимоий-иқтисодий ва маданий ривожланиши, халқимиз бирлиги ва бирдамлигини мустаҳкам­лашдаги самарали фаолияти учун бир гуруҳ ҚХА аъзолари, этномаданият бирлашмалари, илмий ва ижодий  зиёлилар вакилларига давлат мукофотларини топширди.

Тадбирда Қозоғистон Республикаси Пар­ламенти Мажлиси депутатлари, давлат таш­ки­­лотлари, этномаданият бирлашмалари вакил­лари, жамоат арбоблари иштирок этдилар.

Қозоғистон Республикаси ўзбек этномаданият бирлашмалари “Дўстлик” ҳамжамияти аъзоси Рўзақул Холмуродов, Қозоғистон Республикаси “Наири” арман маданият марказлари ҳамжамияти” раиси Артуш Карапетян, “Ақмўла Бетон” МЧБ директорлар кенгаши раиси Римбек Жунусов “Парасат” ордени билан мукофотландилар. Шунингдек, ушбу кунда қатор юртдошларимиз орден ва медаллар, ҚХАнинг Фах­рий ёрлиқлари ва Ташаккурномалари билан тақдирландилар. 

Йиғилиш ниҳоясида Дархан Минбай йиғилганларни Мустақиллик куни билан муборакбод этди ва Ватанимиз равнақи йўлида янги довонларни забт этишга чақирди. 

***

Муҳтарам юртдошларимизни, улар қаторида Қо­зоғистон ўзбекларининг фахри бўлган, бир неча бор  Қозоғистон Республикаси Парламент Мажлиси де­­­­­путати этиб сайланган, узоқ йиллар “Дўстлик” ҳам­жамиятини бошқарган, Қозоғистон жанубидаги ҳар бир шаҳар ва қишлоқнинг равнақига ҳисса қўшган инсон Рўзақул Холмуродовни юксак мукофот – “Парасат” ордени билан муборакбод этамиз! 

Эл эзгулиги йўлидаги хизматларингиз бардавом бўлишини ният қилган ҳолда, Сизга узоқ умр ва мус­­таҳкам сиҳат-саломатлик тилаймиз!