ҚР Президенти ҳокимлигининг розилиги ҳамда Жанубий Қозоғистон вилояти ҳокимининг фармойишига кўра вилоят ҳокимининг биринчи ўринбосари лавозимига Алипбек Шарипбекули Ўсербаев тайинланди.

Минтақа раҳбари  янги ўринбосарига ўз соҳасидаги муҳим масалаларни таҳлил қилиб, келгусида амалга ошириладиган ишлар бўйича аниқ режа тайёрлашни топширди.

Бугунги кунгача шу вазифани бажариб келган Дархан Амангелдиули Сатибалди хорижга ўқишга кетиши муносабати билан ўз аризасига кўра ишдан бўшатилди. Минтақада фаолият юритган йиллари учун Д. Сатибалдига вилоят ҳокими Ж. Туй­­­­мебаев миннатдорчилик билдириб, “Вилоятга кўрсатган хиз­матлари учун” медалини топширди.

А. Ш. Ўсербаев 1961 йилда туғилган, олий маълумотли, ихтисоси бўйича  муҳандис-химик-технолог.

Меҳнат фаолиятини 1983 йили Қарағанди асбест-цемент маҳсулотлари  заводида машинистликдан бошлаган. 1986-2014 йиллари Туркистон шаҳри қурилиш деталлари ва конструкциялари комбинати лабораториясининг муҳандиси, устаси, иқтисодчиси, цех бошлиғи, бош муҳандиси, “Қуат Суиндустрия” ҲЖ, “Kazakh­Construction Industry” ҲЖ Туркистон шаҳар рудасиз материаллар комбинати филиаллари директори, Туркистон шаҳар маслаҳати котиби вазифасини бажарувчи, Туркистон шаҳар қурилиш бўлими мудири, Кентов, Туркистон шаҳар ҳокимларининг ўрин­босари, Туркистон шаҳар ҳокими, вилоят тадбиркорлик ҳамда индустриявий-инновациявий тараққиёт бошқармаси раҳбари лавозимларида ишлаган.

2014 йилнинг сентябрь ойидан бугунги кунгача Жанубий Қозоғистон вилояти Туркистон шаҳри ҳокими бўлган.