2017-2018-ўқув йили Туркистон шаҳри, Эски Иқон қишлоғидаги Эркин Имомалиев раҳбарлик қилаётган 23-коллеж жамоаси учун самарали бўлди.

18 октябрь куни Шимкент шаҳрида вилоят миқёсида коллеж ўқитувчилари орасида ўтказилган “Өнерлі ұстаз-2017” фестивалига билим юртимиз инглиз тили ўқитувчиси Т. Ҳамроева қатнашиб, “Истеъдодли устоз” номинациясини олди ва Жанубий Қозоғистон вилояти таълим бошқармасининг дипломи билан мукофотланди.

26 октябрь куни Шимкентда коллеж талабалари орасида ўтказилган “Алтын қазына” кўргазма-беллашувида коллежимиздан 3-15 “Қурилиш устаси” гуруҳи талабаси И. Раҳматуллаев (етакчиси И. Ҳожиев) ва 5-17 “Махсус тикувчи” гуруҳи талабаси А. Зиёева (етакчиси М. Эрметова) қатнашиб, 2-ўринга сазовор бўлдилар ва Жанубий Қозоғистон вилоят таълим бошқармасининг ёрлиғи билан тақдирландилар.

Жанубий Қозоғистон вилояти таълим бошқармаси услубият кабинети ташкиллаштирган “Энг яхши ишлаб чиқариш таълим устаси – 2017 йил” беллашувида “Ошпаз” мутахассислиги ўқув ишлаб чиқариш устаси Ш. Қўчқорова иштирок этиб, 3-даражали диплом билан, “Махсус тикувчи” мутахассислиги ўқув ишлаб чиқариш устаси З. Ирисбоева ва “Қишлоқ хўжалиги ишлаб чиқаришидаги тракторчи-машинист” мутахассислиги ўқув ишлаб чиқариш устаси 

Ш. Жабборхоновлар “Ташаккурнома” билан тақдирландилар.

Шунингдек, беллашувда фаол иштирок этгани учун 23-коллеж жамоаси Жанубий Қозоғистон вилоят таълим бошқармаси услубият кабинетининг “Ташаккурномаси”га сазовор бўлди.