Кундалик ҳаётимизни авто­транс­портсиз тасаввур қилол­­­­­маймиз. Чунки, олис манзилни яқин қиладиган ҳам айнан шулардир. Ҳозирга келиб автоулов бозорларида кунига юзлаб, ҳатто минглаб машиналар олинади, сотилади.

Демак, янгидан харид қилинган транпорт воситасини расмийлаштириш керак. Бу иш билан шу пайтга қадар жой­лардаги ҳу­дудлараро автотранспорт восита­ларини расмийлаштириш идора­лари, шуғулланар эди. 

Сайрам туман маркази Оқсувкент қиш­лоғида ўтган йили ихтисослаштирилган халққа хизмат кўрсатиш маркази ўз фаолиятини бошлади. Ғабит Усенули етак­чилик қилаётган марказда автотранспорт воситаларини рас­мийлаштириш аҳолига хизмат кўрсатиш марказидаги каби “ягона дарча” шаклида олиб борилади. Бу бирин­чидан, автомашина эгаларининг қимматли вақтларини тежай­­ди, иккинчидан, ўртада иш битирувчи даллолларга ҳожат қол­майди.

Мустақиллик байрами арафасида  “Нур Отан” партияси Сайрам туман фили­али қошидаги уюшган жиноятчиликка қарши кураш бўйича жа­моатчилик кенгаши раиси С. Сағиндиқов бошчилигида партия вакиллари таш­риф буюриб, аҳолига соз ва сифатли хиз­мат кўрсатаётган марказнинг бир гу­руҳ ходимларига мамлакатимиздаги етакчи партиянинг Ташаккурномаларини тантанали равишда топширди. 

Ўз машиналарини расмийлаштиришга келган мижозлар айни пайтда иш аввал­гига қараганда анча тез ва ортиқча дил­хи­раликсиз битаётганидан мамнунликларини яширишмади. Бу марказда ҳамюртлар оғирини енгил қилишга шай мутахассислар хизмат қилишмоқда.