Қарноқ қишлоғига обуна ишлари бўйича сафарим чоғида ҳайдовчи ҳамроҳим Самихон Отаевнинг таклифи Қарноқнинг Ойбек кўчасидаги Улуғ Ватан урушининг ягона иштирокчиси – 93 ёшдаги Эргаш ота Солиев ҳақида мақола ёзишимга туртки бўлди. 

Таҳририят ишларини тугатиб Эргаш отанинг хонадонига қадам ранжида қилдик. Отахоннинг умр йўлдоши Шаҳодат ая яқин­дагина вафот этган экан. 

Дуои фотиҳадан сўнг қария би­лан мулоқотимиз бошланди. 

Уруш фахрийси хотирасига муҳр­ланиб қолган ҳаёт йўлини, билим юртида ўқиб, алоқачи ихтисосини эгаллагани, урушга 1942 йили отланиб, Ғалабадан сўнг яна 3 йил Германияда хизмат қилгани, турли фронтларда бошидан кечирган саргузаштларини, немис аскарларини ҳибсга олгани ва яна талай-талай воқеаларни ҳаяжон билан гапириб берди. 

Урушдан сўнг уйланиб, умр йўлдоши билан фарзандлари Салима, Дарваш, Абдурайим, Ҳалима, Абдукарим, Маммат­карим, Абдураҳмонни тарбиялаб, вояга етказганини, невара, эва­ралар кўрган пири-бадавлат ота экани, ҳамда тўнғич фарзанди 62 ёшда эканини ён дафтаримга қайд этдим. 

Уруш фахрийсини оила аъзолари, қариндошлари ҳамда Самихон Отаев билан бирга тасвирга олдим. Таъкидлаш жо­изки, мазкур улкан оила вакил­ларининг барчаси «Жанубий Қозоғистон»нинг доимий обуна­чилари экан.