Элбоши Астана шаҳрида ўтган Янги йил хайрия балида иштирок этди. Йиғилганларга мурожаат этаркан, Давлат раҳбари Янги йил ўзи билан бирга хуш кайфият ва ёрқин келажакка ишонч олиб келишини таъкидлади. 

– Ўтган йил ёрқин ва кўламдор воқеалари билан ёдимизда қолди, – деди Қозоғистон Президенти. – Қишки Универсиада ва ЭКСПО – 2017 кўргазмаси қозоғистонликлар ҳамда хорижлик меҳмонларимизга спорт ва янги технологиялар байрамини тақдим этди. Биз Ислом ҳамкорлиги ташкилоти саммитини юксак даражада ўтказдик. 

Нурсултан Назарбаев мамлакатимизнинг Бирлашган Миллатлар ташкилоти Хавфсизлик кенгашида тинчлик ташаббусларини олға сураётганини таъкидлади. Келгуси йилда эса мамлакатимизда Жаҳон ва анъанавий динлар раҳбарлари съезди, Осиёда ҳамкорлик ва ишонч чоралари бўйича Кенгаш ва бошқа муҳим тадбирлар ўтади. 

– Барча ғалабаларимиз ҳар биримизнинг меҳнатимиз маҳсули! – деди Элбоши. – Ҳар бир фуқаромизнинг Қозоғистон муваффақиятларида ҳиссаси борлигини ҳис этиши жуда муҳим.

Нурсултан Назарбаев нутқи ниҳоясида қозоғистонликларга соғлик-саломатлик, шодлик ва бахт тилади. 

Янги йил балида жамғарилган маблағ хайрия мақсадларида ишлатилади.