Бар­чамиз орзиқиб кутган 2018 – Ит йили ҳам кириб келди. Бо­лажонлар чинакам шод – чиройли безатилган арча атрофида Қор­бобо ва Қорқиз билан бир­га қўл ушлашиб, қувнашга, Янги йил совғаларини олишга нима етсин! 

Оқ­сувкентдаги М. Горький номли ўрта мактабнинг улкан за­лида ўтган Сайрам ту­мани ҳокими арчасига юздан зи­ёд камхарж оила фар­зандлари ҳамда аълочи ўқув­чилар ташриф бу­ю­ришди. Тадбирга ҳо­ким Б. Мамаев эртак қаҳрамонлари, бай­ра­мона либосдаги ўғил-қизларга қўшилиб, арча атрофида қўшиқлар куйлади. 

– Бугун нафақат кич­кинтойлар, балки биз, катталар учун ҳам улкан байрам. Қозоғистон ҳаётида та­рих зарварақларига олтин ҳарфлар билан ёзилажак ғоят муҳим воқеа ва ҳодисаларни эслаймиз. Ўйлай­манки, Янги йил ҳам сиз, болажонлар учун хайрли кели­шига, таълим соҳасида ижобий ислоҳотлар амалга оши­шига шак-шубҳа йўқ. Барчангизни яна бир карра 2018 йил билан чин юракдан муборакбод этар­канман, ҳар бир хо­надонга қут-барака тилаб қоламан, – деди Б. Мамаев.

Тадбир сўнгида барча қатнаш­чиларга ҳокимнинг янги йил совға­лари ула­шилди.