Сайрам даҳасида 1997 йил 3 декабрда дунёга келган Отабек Азизов болалигидан спортга қизиқди. Мактабда ҳам синфдошлари орасида чақ­­­қонлиги ва эпчиллиги билан  ажралиб турарди. У илк  машғулотларини Зиёмат Ҳусанов номидаги 110-сонли умумий ўрта мактабда бошлади. Мактаблараро спорт мусобақаларида фаол иштирок этди. 

Отабекдаги арм­­рестлингга бўл­ган қизиқишни кўр­ган устозлари Шерали Эшматов ҳамда Оловуддин Аҳмадалиевлар унга ёш спорт­чилар тўга­рагига қатнашишни тав­сия қилишди. “Ин­тилганга толе ёр”, деганларидай, Ота­­бек икки карра  жа­­­­­­­­­ҳон чемпиони, Осиё чемпиони, армрестлинг бўйи­ча спорт ус­таси Жанали Ҳаса­нов­нинг ўқув-маш­­­­­­­­­­­­­­­ғулотларида таж­­­­риба орттириб, 2015 йили вило­ятда 2-ўринни қўлга киритди. 

Жорий йилда Жанубий Корея армрестлинг федерацияси директори билан учрашиб, Корея чемпионатига таклиф қилинди. Машғулотлар натижасида 80 кг. вазн тоифасида ўнг ва чап қўлда иштирок этиб, Корея  мусобақасида чемпион бўлди ва Халқаро Silvia classik мусобақасида иштирок этиш учун йўлланмани қўлга киритди. 9-10 декабрда ўтказилган мусобақада Корея, Россия, Озарбайжон, Беларусь, Япония, Филиппин, Қозоғистон ва яна бир қатор мамлакатлар спортчилари билан ўтган мусобақада ҳам зафар қучиб, 80 кг. вазн тоифасида 1-ўринни қўлга киритди.

Элбошимиз томонидан соғлом турмуш тарзини шакл­лантиришга эътибор қаратилар экан, улар қаторида Ота­бекнинг ҳам омади чопди, спортдаги муваффақиятлари билан жаҳон ареналарида мовий байроғимизнинг кўкка кўтарилишига ҳисса қўшди. Бугун Отабекнинг кўксини шода-шода медаллар безаб турибди. 

Келгусида ҳам сенга ғалаба нашидаси ҳамроҳ бўлсин, Отабек!