Вилоят ҳокими Ж. Туймебаевнинг ташаббуси билан вилоятимизда 20та хизмат уйи қурилади. Улар “Нурли ер” давлат дастури доирасида тўққизта туманнинг 20та аҳоли манзилида бунёд этилади.

Ўнта квартирадан иборат икки қаватли замонавий услуб­даги уйлар жорий йилнинг ўрта­ларида қуриб битказилади. Бунёд­корлик ишларига вилоят бюд­­­­­­­­­­­­­­­­жетидан 1,6 млрд. тенге ажратиш режалаган. Уйлар таълим, тиббиёт, шунинг­дек, бюджет соҳаларида фаолият юритаётган фуқаролар ва по­­­­лиция ходимларига бери­­­лади.

Маълумки, вилоят ҳокими янги ўқув йили бошланганда педагоглар ва соғликни сақлаш соҳаси ходимларини хизмат уйлари билан таъминлаш учун барча шаҳар ва туманларда замонавий уйлар қурилишини йўлга қўйишни топширган эди. 

Бугунги кунда қурилиш бош­­­қармаси томонидан лойиҳа-смета ҳужжатлари тайёрланиб, тегишли ишлар олиб борил­моқда. 

Мухтасар қилиб айтганда, мазкур уйлар шаҳар ва туман­лардаги 20та аҳоли манзилида, яъни Тулкибошда – 3та, Тўлебийда – 1та, Ўтрорда – 2та, Байдибекда – 2та, Шардарада – 2та, Сўзоқда – 2та, Арисда – 2та, Кентов ва Туркистон шаҳарларида 3тадан қурилади.