Жанубий Қозоғистон вилоят суди мажлислар залида “Ўзбошимчалик билан қурилган биноларни бузиш ҳақидаги низолар бўйича суд амалиёти” мавзуида давра суҳбати ўтди. Унда Жанубий Қозоғистон вилоят суди, туман ва шаҳар судларининг судьялари, Шимкент шаҳар ҳокимлиги вакиллари иштирок этишди. 

Мажлисни вилоят судининг  фуқаролик ишлари бўйича суд ҳайъати раиси Т. Бекимбетов олиб борди. 

Шимкент шаҳар Абай туман судининг судьяси М. Шарипов   “Ўзбошимчалик билан қурилган биноларни бузиш тўғрисида”   маъруза қилди. 

– ҚР ер қонунчилиги, “ҚР меъморчилик, шаҳарсозлик ва қурилиш хизмати тўғрисида” қонунига биноан керакли рух­сатнома олинмай қурилган уй, бино ва бошқа кўчмас мулк иншоотлари ноқонуний ҳи­­соб­ланади. Улар Фуқаролик Кодексининг 244-моддаси 3-4 бандларига биноан, қурилишни амалга оширган одам ҳисобидан бузилиши керак. 

“Якка тартибдаги уй қури­ли­­­­­­­­­­­­­ши тўғрисида” Қозоғистон Рес­­­­­­­­­­­­­­­­­­­­­­­­­­­­­­­­­­­­­­­­­­­­­публикаси 1994 йил 3 ноябрдаги Қонунининг 15-­­­­­­­­­­­­­­­­­­­­­­­­­­­­­мод­­­­­­­­­­­­дасига би­ноан, хусу­сий уйлар ва хўжалик иншо­от­­ла­рини ўзбошимчалик билан қур­­­­ган шаҳслар маъмурий жавобгарликка тортилмоқда. Чунончи, Шимкент шаҳрининг Абай тумани судига Н. Ибра­гимовнинг Темирлан шоҳкўчаси бўйидаги 19-309-063-265-сонли кадастрлик ер участкасида қу­рилиш олиб борган вақтда таъкидланган қонуннинг 68-бан­­­­ди меъёрларига риоя қи­­­­­лин­­­­­­­­­­­­­­­­маганлиги сабабли, жавобгар ҳи­­­­­­­­­­­­­­­­­­­­собидан эни 11, 15 метр, узун­лиги 7,6 метрли темир-бетон пойдеворни бузиш тўғрисида ариза тушган. Давлат қурилиш-меъморчилик инспекторининг  аризасига биноан Н. Ибрагимов кўрсатмани бажармаганликда айбланиб, жавобгарликка тортилган. 

Шунингдек, Шимкент шаҳар Қаратау туман судининг судьяси Л. Ауелбекова, Абай ту­ман судининг судьяси М. Қудай­бергенова, Е. Ағма­­новларнинг маърузаларини тинглаган Ту­гел Бекбайули бар­ча туман судьяларига қатор вазифалар топширди.