Жанубий Қозоғистон ви­ло­­­­­­­­­­­­­­­ятидаги 1029 мактабнинг 2-­­­­­­­­­­­­5-7-синф­­­­­­­­­­­­­­­­­­­­­­­лари ўтган йили 100 фоиз таълимнинг янгиланган дасту­рига кўчди. Буни вилоят таълим бошқармаси маълум қилди.

Бошқармага кўра, На­зарбаев заковат мак­таблари ягона таълим таш­килотининг тажрибаси бўйича таълим­нинг янгиланган мазмунига ўтказиш учун педагог кадр­ларни қайта тайёрлаш иш­лари икки йил қаторасига тизимли равишда олиб борилган. Масалан, 2016 йили 15 500 ўқитувчи, 2016 йили эса 18 328 педагог янгиланган таълим мазмуни бўйича малакасини оширган. 

Ўша йўналишдаги иш­ларни жонлантириш мақ­садида ўтган йили Жанубий Қозоғистон ви­ло­­­яти ҳоким­лиги ва “Назарбаев Заковат мактаблари” ягона таълим  ташкилоти ўртасида ҳам­корлик меморандуми ту­зилган эди. Шунинг не­ги­зида ушбу таълим жамоа­сининг тажрибасини ўр­­га­ниш мақсадида Шим­­­­­­­­­­­­­­­­­­­­­­­­кент шаҳридаги иккита зако­ват мактаби база­­сида туман (ша­ҳар) услу­бият кабинетларининг методистлари учун семи­нарлар уюштирилган.

Шу билан бирга 100та етакчи мактаб моде­раторлари ва туман, ша­ҳар таълим бўлими услу­биятчилари, вилоят ихти­сослаштирилган таълим муассасаларидаги 124 ўқитувчи иштирокида ви­лоят семинарлари таш­кил этилган. Услубий ёрдам кўрсатиш мақсадида ўн беш туманда таркибига 352 ўқитувчи кирган сафарбарлик  гуруҳлари тузилди.

Таълимнинг янгиланган маз­мунига ўтиш учун 2017-2018 ўқув йилида ҳар ҳафтанинг чоршанба, жума кунлари вилоятнинг  пешқадам  ўқитувчилари онлайн тартибда ма­­­­­­­­­­­­­­­­­­­ҳорат дарслари ўтказиб, илғор таж­рибаларини  ўртоқлашиб келмоқда.

Шунингдек, ўтган йилнинг би­ринчи ярмида 755 нафар физика, информатика, кимё ҳамда биоло­гия  ўқитувчиси инглиз тили курс­ларидан ўтди. Инглиз тилини ўз­лаш­тиришнинг А1А2; методик В1В2 даражасига эришиш ишлари юритилди.

Натижада, В2 даражасини эгал­лаб, инглиз тилида дарс берган ўқитувчининг ойлик маошига 30 фоиз устама  қўшиладиган бўлди.