1992 йилдан бошлаб Қозоғистонда 7 май Ватан ҳимоячилари куни сифатида нишонланади. Қозоғистон Республикаси Президенти, Қуролли кучлар Бош қўмондони Нурсултан Назарбаев 1992 йилнинг айнан шу куни миллий армияни ташкил қилиш тўғрисидаги фармойишга имзо чеккан.

2012 йил 4 октябрь куни Қозоғистон Республикаси Парламенти “Қозоғистон Республикасида байрамлар тўғрисида”  Қозоғистон Республикаси Қонунига қўшимча киритган. Шу қарорга мувофиқ, 7 май байрам куни деб эълон қилинган ва дам олиш куни ҳисобланади.

Бу кун – қозо­ғистонликлар­нинг қаҳрамонона жасоратини ва Ватанни ҳимоя қилувчиларни улуғловчи байрамдир. Мазкур байрам Қозоғистон Қуролли кучларининг нуфузи ва обрўсини нафақат юртимизда, балки чет элда ҳам оширишга хизмат қилади. 

7 май куни соат 11.00да пойтахтдаги “Қозоқ эли” майдонида ҳарбий намойиш ўтади. Қозоғистон Республикаси Қуролли кучларининг намойишида ҳарбий техника, қурол-яроғлар, қозоғистонлик аскарларнинг касбий маҳорати, умуман, миллий армиянинг бутун салоҳияти кўрсатилади. 

Ҳарбий намойишда 2,5 минг ҳарбий, 250та техника, 75дан зиёд самолёт ва вертолётлар иштирок этади.