“Давлат хизмати тўғрисида” Қозоғистон Республикаси Қонунига мувофиқ, давлат хизматчиларига давлат ёки унга тенглаштирилган вазифаларни бажариш вақтида ўзга одамлардан совға олиш тақиқланган. 

Ана шу чекловларга риоя қилиш ва уларнинг олдини олиш мақсадида ҳудудий ва маҳаллий ижро органларида департамент томонидан тегишли ишлар олиб борилди. Қонун талабларига мувофиқ, давлат органларига тушган совғалар Жанубий Қозоғистон давлат мулки ва хусусийлаштириш департаментидаги махсус давлат жамғармасига ўтказилиши шарт.

Статистика маълумотларига кўра, 2017 йилнинг декабрь ойигача 3 нафар давлат хизматчисидан 5 дона совға қабул қилинса, 28-29 декабрь кунлари вилоят давлат органларидан 91 дона совға ҳужжатлаштириб олинган. Совғалар яқин келажакда аукцион орқали сотилади. Таъкидлаш жоизки, 2016 йилда департаментга 15 дона совға топширилиб, улар 76254 тенгега сотилган ва ҳаммаси республика бюджетига ўтказилган.

Қозоғистон Республикаси Маъмурий-ҳуқуқбузарлик тўғрисида кодексининг 472-модда, 1-банд 4-бандчасида совға сифатида берилган мулкни ваколатли органга тўлиқ ва вақтида ўтказилмаса, бу иш-ҳаракатларда жиноят аломатлари бўлмаган тақдирда, маъмурий-ҳуқуқий жавобгарлик кўзланган.