Жанубий Қозоғистон вилоятида энг кўп қўлланиладиган 150 хил дори йил охиригача қимматламайди. Бу натижага вилоят ҳокими Жансейит Туймебаев ҳамда “Даму” фарма­цев­тика ва тиббий ходимлар ҳам­­жамияти ўртасида тузилган мемо­­­рандум ор­қа­­­­­­ли эришилди. Ме­­­­­морандумнинг мақсади – ви­лоят аҳлини имтиёзли баҳода си­фатли доривор воситалар билан таъмин­лаш.

Вилоят ҳокимлигида мемо­рандумни имзолаш чоғида мин­тақа раҳбари Жан­сейит Туйме­баев ва дорихона уюш­ма­лари томонидан фармацевтика таш­килотларининг 40 нафар раҳ­бари иштирок этди. Мамлакат до­­­рилари ва тиббий ускуналар иш­лаб чиқарувчи компаниялар ва хо­риж­­лик маҳсулотларнинг расмий дис­трибьютерлари 150 хил доривор воси­талар нархини йил охиригача кўтар­масликка келишиб олишди.

– Меморандум доирасида 2017 йилга  режалаштирилган дори-дармонларнинг 150 туридан 13 тасининг баҳоси ан­ча арзонлади. Уларнинг ижтимоий аҳамияти зўр. Биз шу йўл билан аҳо­лининг ижтимоий ночор гуруҳларини қўллаб-қувватлаймиз. Ҳамкорлик шарт­номасини имзолаган дори­хона раҳ­барларига жанубликлар номидан мин­­­­­­­­­­­­­­­­­­­­­­­­­­натдорчилик билдираман, – деди Жан­сейит Қансейитули.

Имзоланган шартномага мувофиқ, юрак-қон томир касалликлари, анальге­тиклар, антигистаминлар, ошқозон ва гипотензив препаратлар, кўз ва қулоқ томчилари, витаминларнинг баҳосини бир хилда ушлаб туришни муассаса вакиллари ўз зиммаларига олдилар.