ДАВЛАТ РАҲБАРИ РАИСЛИГИДА ХАВФСИЗЛИК КЕНГАШИНИНГ ЙИҒИЛИШИ ЎТДИ. УНДА ЭЛБОШИНИНГ АМЕРИКА ҚЎШМА ШТАТЛАРИГА ҚИЛГАН РАСМИЙ САФАРИ ЯКУНЛАРИ ВА ЭРИШИЛГАН БИТИМЛАРНИ АМАЛГА ОШИРИШ ЧОРА-ТАДБИРЛАРИ КЎРИБ ЧИҚИЛДИ. 

– Бугун биз Қозоғистон делегациясининг АҚШга расмий сафари якунлари, шу жумладан, АҚШ Президенти Дональд Трамп, вице-Президенти Майкл Пенс ва бошқа раҳбарлар билан бўлган музокаралар натижаларини муҳокама қиламиз. Ушбу келишувларни мамлакатимиз манфаатларига хизмат қиладиган даражада амалга оширишга имкон берадиган тадбирларни ҳам кўриб чиқишимиз керак, – деди Қозоғистон Президенти. 

Давлат раҳбари АҚШнинг йирик компаниялари ва молиявий ташкилотлари билан тузилган шартномаларнинг бажарилишига алоҳида эътибор қаратди. 

– Биз Америка бизнесининг “сардор”лари билан иқтисодиётимизга, айниқса, инновацияларни жорий этиш, рақамлаштиришни ривожлантириш, шунингдек, Қозоғистонга сармоялар ва янги технологияларни жалб этиш бобида  аниқ шартномаларга эришдик, – деди Нурсултан Назарбаев. 

Йиғилиш якунида Давлат раҳбари Олий даражадаги Қозоғистон – Америка мулоқотининг мамлакат иқтисодий тараққиёти ва минтақада хавфсизликни мустаҳкамлашда аҳамиятини таъкидлади ва қатор аниқ топшириқлар берди.