Таҳририятимиз жамоаси янги – 2018 йилни зўр қувонч билан қарши олди. Бунинг асосий сабаби, қадрдон “Жанубий Қо­­зо­ғистон”имизнинг 2018 йил би­ринчи ярми учун обуначилар сони 15мингтадан ошганидир. 

Газетамиз саҳифаларида Эл­бошимиз Нурсултан Назар­баевнинг эл эзгулиги йўлида қилаётган хизматларини акс эттирувчи ма­­­­­­­­­­­­­қолалар ва Мактублари ўзбек ти­лида чоп этилиши халқимизни аниқ бир мақсадга йўналтиришда ҳамда жамиятимиз аъзоларини бирлаштиришда муҳим аҳамият касб этишига шубҳа йўқ. Бу эса сўнгги йилларда газетамиз саҳи­фаларидаги мақолаларнинг си­фат ва мазмундорлиги ортиб, замон талаб­ла­ри­­­­га мослашиб бораёт­ганидан далолатдир. 

Фурсатдан фойдаланиб, шуни таъкидлаш жоизки, таҳририятимиз бу йил яна бир хайрли ишга қўл уриб, вилоятимизнинг айрим умум­таълим мактабларида таҳсил ола­­ётган замон талабларига мос фикр­­­­­­­­­­­­­­­­лайдиган иқтидорли ва пеш­қа­­­­­дам ўқувчилар, кўп болали, кам таъминланган оила фарзандларини “Жанубий Қозоғистон” – қадрдон нашрим!” акцияси доирасида жорий йилнинг биринчи ярмига бепул обуна бўлиш ҳуқуқини берадиган сер­тифи­кат топширишни йўлга қўйди.

Ушбу тадбир муносабати билан куни кеча таҳририят ходимлари 3-сонли М. Улуғбек номли асосий ўрта мактабда бўлдилар. Мактаб маъмурияти тасдиқлаган рўй­хатга биноан, ўқувчилардан А. Аб­ду­муталов, Ш. Искандарова, Н. Йўл­дошева, А. Мираҳимов, Д. Са­му­қова, Ф. Рисқулова ва М. Тош­метовалар газетамизни бепул ўқиш хуқуқига эга бўлишди. Мак­­­­­­­таб директори Гулнара Мана­­пова ва кутубхоначи Гулнора Исоқова (тасвирда) таҳририят раҳ­бария­тига миннатдорчилик изҳор этишди.