Чоршанба куни Жанубий Қозоғистон вилояти ҳокими Жансейит Туймебаев “Шимкент шаҳрида жамоат транспорти соҳасини ривожлантириш” форумида иштирок этиш учун минтақамизга келган мамлакат ҳамда хориж компанияларининг вакиллари билан учрашди. 

Учрашувда меҳмонлар тадбир иштирокчиларини янги лойиҳалар ва замонавий транспорт воситалари билан таништиришди.

Компания раҳбарларининг таклиф­ла­­­­­­­­­­­­­рини тинглаган минтақа раҳбари йил са­­­­­­­­­­­­­­йин аҳоли сони жадал ўсиб бораётган шаҳарда транспорт қатновини созлаш учун замонавий технология билан жиҳоз­ланган сўнгги нусхадаги жамоат транс­­­­­портидан фойдаланиш лозимлигини маълум қилди.

– Элбошининг янги Мактубида мегапо­лис шаҳарларнинг муаммоларини сама­рали ҳал қилиш учун “Смарт Сити” кон­­цепцияси ва шаҳар марказини бошқа­рувнинг мажмуавий турини жорий қилиш лозимлиги таъкидланган эди. Бу борада миллионга яқин аҳолига эга Шимкент шаҳрини “Ақлли шаҳар”га айлантириш – долзарб масалалардан бири. Йўловчилар ташийдиган автобусларни янгилаш,  сўнг­­­ги нусхадаги технологиялар ёрда­мида халқнинг ҳаракатланишини енгил­лаш­­­­­тиришимиз керак, – деди Жансейит Қансейитули.

Шимкент шаҳри ҳокимлигининг ташаб­­­­буси билан уюштирилган форумда нафа­қат Қозоғистон, балки  Россия, Бело­рус, Ўзбекистон ҳамда ХХР вакиллари ҳам иштирок этишди. Тадбирнинг мақ­сади – шаҳардаги йўловчилар ташиш хизматининг сифатини оширишдан ибо­рат. Ҳар бир иштирокчи ўзи ишлаб чиқа­раётган автобусларнинг сифатини, нархи­­ни таърифлади. 

Уларнинг айтишича, жамоат транс­портига ўрнатилган мониторинг, тўлов, “GPS” тизимлари ва мобилли қўшимчалар йўловчиларга кўрсатиладиган хизмат сифатини яхшилашга ёрдам беради.

Учрашув якунида ви­лоят ҳокими му­тасадди соҳа мута­­­­хассисларига так­лифлари самарали ком­па­­­­­­­­­­­­­­­­­­­­­­­нияларни аниқлаб, улар билан шартнома ту­зиш­ни топширди. Агар шарт­­­­номалар икки то­мон­­га ҳам маъқул келса, жорий йил шимкентликлар замо­навий воситалар би­лан жиҳозланган янги авто­бусларда қатнайдиган бўлади.

Маълумот учун, бугунги кунда Шимкент шаҳрида йўловчиларни ташиш билан шуғулланадиган 26та транс­­­­­­­­порт компанияси 70та йўналишда хизмат кўр­­­­­­­­­­­­­­­­­­­­­­­­сатади. 1700га яқин ав­­­­­­­­­­тобусдан 70 фоизининг фой­­­­­­­­­­­­­­­­­­­­­даланиш муддати 7 йилдан ошиб кетган.