Жанубий Қозоғистонда вилоятни бошқариш схемаси асосида 23та бошқарманинг баъзиларидан бир қатор вазифалар олиниб, 4та бошқарманинг номи алмаштирилди, туризмни ривожлантириш ҳамда жалб қилинадиган ташқи сармояни кўпай­тириш мақсадида янги бошқарма тузилди.

Мазкур бошқармаларнинг номини ўзгартириб, янги бошқармани тузиш тўғрисидаги қарор ўтган йилнинг октябрь ойидаги вилоят маслаҳати сес­сиясида тасдиқланиб, вилоят ҳокимининг қарори билан ташкил этилди.

Чунончи, вилоят тадбиркорлик, ин­дустриявий-инновациявий ривож­­­­ланиш ҳамда туризм бошқармасининг туризм соҳасидаги функциялари ва ваколатлари берилган ҳолда, “Жа­ну­бий Қозоғистон вилоят туризм ҳамда ташқи алоқалар бошқармаси” қу­­­­­­­­­­­­­­­­­­­­­­­­рилиб, “Жанубий Қозоғистон вилоят тад­­­­­­­­­­­­­­бир­корлик ҳамда индустриявий-инно­­­­­­­ва­­циявий ривожланиш бошқармаси” деб қайта номланди.

Вилоят маданият бошқармаси эса “Жанубий Қозоғистон вилоят мада­ни­­­­­ят ва тилларни ривожлантириш бош­­­­­­­­қармаси” бўлиб, вилоят тилларни ри­­вож­­лантириш, архив ва ҳужжатлар бош­қармаси “Жанубий Қозоғистон вилоят ах­­­­­­­­­­­боротлаштириш, давлат хизматлари кўр­­­­­­­сатиш ва архивлар бошқармаси” деб қайта номланди. Унга вилоят ҳокими девонининг ахборотлаштириш ҳамда дав­лат хизматлари кўрсатиш соҳасидаги функциялари ва ваколатлари берилди.

Вилоят ёшлар сиёсати масалалари бошқармасига таълим бошқармасининг васийлик, ғамхўрлик ва болалар ҳуқуқ­ларини ҳимоя қилиш соҳасидаги функ­циялари ва ваколатлари ўтказилган ҳолда номи, “Жанубий Қозоғистон ви­лоят оила, болалар ва ёшлар ишлари бошқармаси” деб алмаштирилди.

Шунингдек, вилоят ҳокими Ж. Туй­мебаевнинг фармойиши билан, тад­­биркорлик ҳамда индустриявий-ин­­­­­­­но­­­­­­­­­­­­­­­­­вациявий ривожланиш бошқар­ма­сига Батирхан Қурмансейит, ахбо­рот­­­­лаштириш, давлат хизматлари кўр­сатиш ва архивлар бошқармасига Бас­тар Есқараев, оила, болалар ҳам­да ёшлар ишлари бошқармасига Бал­маржан Нарбекова раҳбарликка қай­тадан тайинландилар. Маданият ва тилларни ривожлантириш бошқармаси раҳбари вазифасини вақтинча бажа­рувчи этиб Асилхан Темирхан, шунинг­дек, “Ontustik Tourism Center” туризм марка­зининг директори Ўлжас Шинтае лаво­зимидан бўшатилиб, туризм ва таш­қи алоқалар бошқармаси раҳбари вазифасини вақтинча бажарувчи этиб тайинландилар.