Шимкентда бадиий гимнастикадан республика чемпионати ниҳоясига етди

Ёшлар орасидаги беллашувда мамлакатимизнинг барча вилоят­ларидан 300дан зиёд спортчи иштирок этди. Улар алоҳида ва гуруҳ машқларида беллашишди. Мусобақанинг очилиш мароси­мида вилоят ҳокимининг ўрин­босари Бауржан Жамалов қатна­шиб, иштирокчиларга омад тилади.

– Элимиз Мустақиллик олга­нидан буён спортнинг бадиий гимнастика тури жадал ривож­ланиб келмоқда. Мустақиллик йилларида қизларимиз 4-Ёзги олимпиада  ўйинларида қатнашиб, юксак маҳорат кўрса­тишди. Жаҳон ареналарида кўк байроғимизни ҳилпиратиб, Осиё ўйинлари ва чемпионатларининг мутлақ чем­­­­­­­пионлари унвонига сазовор бў­­­­­лишди. Шулардан бири, мана, олдингизда турган, халқимиз ҳур­­­­матига сазовор бўлган,  Қозоғистон Республикасида хизмат кўрсатган спорт устаси, жаҳонга таниқли гимнас­тикачи, Осиё примаси – Алия Юсупова. Бу спортни жон-дилидан севган инсоннинг эгаллайдиган чўққилари баланд бўлишидан дало­латдир. Барчангизга мана шундай ютуқлар тилайман! – деди Бауржан Салдарули.

Вилоятимиз шаънини 36 нафар бадиий гимнастикачи ҳимоя қилди.

Жамоавий биринчиликда кат­талар ўртасида биринчи ўринни жанублик А. Адилханова ва Д. Аб­дирбекова, А. Рустемова ва Т. Мўл­да­хановалар эгаллашди.

Ёшлар таркибида пешқадамлик Р. Абитова, С. Мурат қизи, Д. Ўрин­басарова ва Э. Таниеваларга насиб этди.