Кеча Ҳукуматнинг кенгайтирилган мажлиси давомида Қозоғистон Президенти Нурсултан Назарбаев Вазирлар маҳкамасининг ўтган йили бажарган ишларига ижобий баҳо берди, дея хабар беради ҚазАқпарат. 

– Йил бошида олдимизда турган вазифаларни аниқлаб, тегишли саволларни бир-биримизга бериб, иш бошлаш учун бугунги Ҳукуматнинг кенгайтирилган мажлисини ўтказмоқдамиз. Унда вилоят ҳокимлари ҳам иштирок этмоқда. Маълумки, январда бўлган Ҳукумат мажлисида ўтган йилнинг якунлари эълон қилинди. Ростини айтиш жоиз, ўтган йил осон кечмади. Жаҳон иқтисодиётидаги аҳвол беқарор бўлди. Бизда турли вазиятлар учради. Лекин Ҳукумат ва ҳокимликларнинг саъй-ҳаракати туфайли менинг назаримда яхши натижаларга эришдик, – деди мажлисни очган Нурсултан Назарбаев. – Иқтисодиётнинг ўсими 4 фоиз, инфляция даражаси 7 фоизни ташкил этгани биз учун янги муваффақият. Шунинг учун мен Ҳукумат ҳар бир аъзосининг ўтган йилги фаолиятига қониқарли баҳо бераман. Халқ ҳам худди шундай деб ҳисоблайди, – деб ўйлайман.

Шунингдек, Давлат раҳбари эришилган муваффақиятлар билан чекланиб қолмаслик зарурлигини уқтирди. 

– Олдимизда кўп вазифалар турибди. Дастурларни амалга оширишда анчагина камчиликлар бор, буни тан олишимиз керак. Шунинг учун яна бир бор Ҳукуматнинг ўтган йилги фаолияти натижаларини халққа етказишимиз ва галдаги вазифаларни белгилаб олишимиз керак. Мақсадлар аниқ, ишга киришишимиз лозим, – деди Нурсултан Назарбаев.