Ҳақиқатни излаш – одамнинг пе­шонасига ёзилган қисмат. Инсон ту­ғил­ганидан шу эзгу мақсад йўлида изланади. 

Сайрамлик меҳнат фахрийси, ОАВда ўткир ва долзарб мақолалари орқали элга танилган жамоатчи мухбир Эркин Абдунақибовнинг “Ҳақиқатни излаб...” янги кито­бини кўздан кечириб, бу ҳикматнинг ҳаётийлигига яна бир бор амин бўлдим. 

Эркин ака – безовта қалб соҳиби, журналистикадагина эмас, жамоат ишларида ҳам фаол, тиниб-тинчимас, сер­ғайрат ота­хонлардан. Шу­­­­­нингдек, у Сайрам даҳаси оқсоқоллар кен­гашининг, Ю. Сарёмий номли мактаб-лицейи ота-оналар универ­сите­тининг раиси. Бундан бир неча йил муқаддам нашр­­дан чиққан “Теран фикр­­­­­л­ар уммонида” китоби ҳам жамоатчилик томонидан му­­­­­­­­­­­­­­­­­­­­­­­­­­­носиб қарши олинган эди.

Тўпламда жамланган ма­­­­­­­­­­­­­­­­­­­­­қолаларнинг аксарияти тар­­­биявий мазмунда. “Бола тар­­бияси – бешикдан”, “Шар­­­­қона тарбия – бебаҳо хази­намиз”, “Тўғри йўлга бошлаш – катталардан” каби мавзуларда ёзилган мақолалар мазмун-моҳия­тига изоҳ беришнинг ҳожати йўқ, назаримда. Муаллиф она тилига муносабат, қариндош-уруғларга кўрсатиладиган силаи раҳм, маҳал­лий ижодкорларнинг асарлари хусусида атрофлича мулоҳаза юри­­­­­­­­тади. Шунингдек, китобга Ўзбекистонга уюшти­рилган сафар таас­­­­­­­­­­­­­­­­­­­­­­­­­­­­­суротлари ҳам киритилган. Ки­тобнинг эътиборга молик жиҳати, унда Т. Хонхўжаев, К. Юсва­лиев, Ҳ. Даврон­беков, Х.Тўламатов, Ҳ. Аб­­­­­­­­­дул­­­­­ҳасанов каби қа­лам­­кашларнинг муаллиф мақолаларига “Акс-са­­до”лари ҳам берилган.

– Эркин акадек кенг қамровли, теран фикрли, энг муҳими, ақлли, донишманд, беғараз, оқкўнгил, ҳимматли, мурувватли инсон бўла олиш қийин, албатта... – деб қайд этади китоб муҳаррири Э. Султонова. 

Эл орасида ҳақиқатни ташвиқ қилиб, ҳақ сўзини кўпчиликка етказишга бел боғлаган муаллифга баркамоллик ва зафар тилай­­миз.