Элбошининг халққа Мактубида “Мамлакатимиз янги жаҳон карвонбошиларининг сафига қўшилиши учун аввало индустрлаштириш янги технологияларини тат­биқ этишда пешқадам бўлиш керак”, дейилган.

 Мазкур вазифа Жанубий Қозоғистон вилояти таълим соҳасида режа асосида бажарилмоқда. Буни таълим бошқармаси раҳбари Исатай Сағиндиқов айтди.

Унинг маълум қилишича, ўтган йили болаларни мак­табга электрон шаклда қабул қилиш тизими жорий этилди. Мақсад – уларни мактабга жойлаштиришда шаффофликни таъминлаш. Ўтган йили янги услубда ша­ҳар мактабларининг 1-син­фига 21945 нафар ўқувчи қабулланса, 23395 нафар кич­кинтой болалар боғчасига қатнаш имконига эга бўлди.

– Рақамли таълим захира­ларини ривожлантириш орқали ўқитишнинг мазмунига, уюш­ган жиноятчиликнинг олдини олишга йўналтирилган иш­ларга эътибор кучай­тирилди. Масалан, ўқитувчиларни са­­­­­­­­­­­­ра­лашдаги очиқ танлов, ўқув­чиларнинг мактаблараро ал­ма­­­­­­­­­­­­­­шиши ҳамда иш дафтар­ча­­­­­­­­­­­­­­­сини юритиш жараёнлари электрон равишда олиб бо­­­­рилмоқда, – деди вилоят таълим бошқармаси раҳбари.

Бугунги кунда Шимкент шаҳридаги таълим муас­сасаларига ўқи­­­тувчиларни ишга олиш ҳам электрон равишда бажарилмоқда. Иш излаган фуқаро www.thunter.shymkent.gov.kz сайтига кириб, ўқитувчилар учун қан­дай бўш иш ўринлари эълон қилинганини билиши ва ҳужжат топширишлари мумкин. Шу кунгача янги услубда 501 нафар педагог ишга қабул қилинди.

Бу тизимдан мактаб­лардаги ўқув-тарбия ишида ҳам самарали фойдала­нил­моқда. Жумладан, шаҳар­­­­­­­даги 40та таълим муас­сасасига электрон бошқарув ахборот-дастурий мажмуаси татбиқ этилди. Натижада ўқувчиларнинг дарсларни сабабсиз қолдириши 75 фоиз­га камайди, ўзлаштириш кўр­саткичи эса 12 фоизга юқо­рилади.

Энг эътиборлиси, лойиҳа­нинг татбиқ этилиши на­тижасида болалар боғча­сига йўлланма олиш, иш­га жойлашишда пора талаб қилиш, болаларни мак­таб­га қабул қилишда та­ниш-билишчиликка йўл бериш ҳо­­­­­­­­­­­­­­­латлари бўйича ша­ҳар­­­­­ликларнинг арз-шико­ятлари бирмунча озайди.