Вилоятимиз 300 нафар вакилининг Ақмўла вилоятидаги «Новопэк» корхонасида ишлашига имконият яратилди. 

Жанубий Қозоғистон вилояти ҳокими ўринбосари Ербўл Садир ва «Новопэк» МЧБ директори Айдар Жақупов ўртасидаги меморандум шу мақсадда  имзоланди. А. Жақуповнинг айтишича, ишлашга борганларни биродарлик яшаш жойи билан таъминлайди. 

«Новопэк» МЧБ полиэтилен қоплар ишлаб чиқаради, корхонада 600дан ортиқ одам ишлайди. 45 000 квадрат метрдан ортиқ майдонни эгаллаган цехларда Австрия, Италия, Туркия ва Тайванда ишлаб чиқарилган ускуналар ўрнатилган. Корхона 2003 йилда ташкил этилган бўлиб, ойига 8 миллион дона қоп чиқариш қувватига эга.

Эслатамиз, вилоятимизга ташриф буюрган Ақмўла вилояти ҳокими мазкур ва бошқа корхоналарда ишчи кучи етишмаётганини айтганди. Шимкент ва Кўкшетов шаҳарлари, улардаги корхоналар ўртасида тиғиз алоқалар ўрнатиш мақсадида «Шымкент» ижтимоий-тадбиркорлик корпорацияси” (ИТК) миллий компанияси” ҲЖ ҳамда  «Есіл» ИТК миллий компанияси” ҲЖ, шунингдек, «ENKI» МЧБ ҳамда Жанубий Қозоғистон вилоят қурилиш бошқармаси ўртасида меморандумлар тузилган. 

Шартномалар молиявий ривожланиш ва шаҳарлар ўртасидаги ҳамкорликни мустаҳкамлашга йўналтирилган.