Давлат раҳбари раислигида Хавфсизлик кенгаши йиғилиши ўтди. Унда 2017-2020 йилларга мўлжалланган Миллий хавфсизлик стратегиясини рўёбга чиқариш тадбирлари, шунингдек, Жанубий Қозоғистон вилоятида ижтимоий-сиёсий ва ижтимоий-иқтисодий вазият масалалари кўрилди. 

Давлат раҳбари ўтган йили қабул қилинган Миллий хавфсизлик Стратегияси вужудга келаётган хатар ва таҳликаларни олдиндан кўриш, ўз вақтида зарур чора-тадбирлар қўллаш имконини беришини таъкидлади. 

– Ўтган йили биз миллий хавфсизликни таъминлаш бобида дастурий ҳужжат қабулладик. Миллий хавфсизлик нафақат мудофаа ёки ички сиёсат соҳасида, балки, барча жабҳаларда, шу жумладан, иқтисодиётда, улғаяётган авлодни тарбиялашда ва бошқа соҳаларда ҳам таъминланиши лозим, – деди Қозоғистон Президенти. 

Бундан ташқари, Жанубий Қозоғистон вилояти ижтимоий-иқтисодий тараққиёти даражасини ошириш, чунончи, инфратузилмаларни мукаммаллаштириш, авария ҳолатидаги мактабларни таъмирлаш ва янгиларини қуриш, шунингдек, диний экстремизмга қарши кураш масалалари муҳокама қилинди. 

Йиғилиш якунига кўра, Давлат раҳбари марказий давлат ва маҳаллий ижро органларига қатор аниқ топшириқлар берди.