ЭЛБОШИ САУДИЯ АРАБИСТОНИ ФОРС-АРАБ КЎРФАЗИ ИШЛАРИ ВАЗИРИ САМЕР АЛ-САБҲАННИ ҚАБУЛЛАДИ

Музокаралар давомида томонлар бугунги вазият ва икки мамлакат ўртасида ҳамкорлик истиқболларини муҳокама қилдилар. 

Давлат раҳбари Саудия Арабистонига қилинган ўтган йил кузидаги сафарнинг ижобий натижаларига тўхталди. Шунингдек, мустақилликдан кейинги чорак асрлик тарихимизда икки давлат ўртасидаги алоқалар мунтазам яхшиланиб бораётганини таъкидлади ва Қозоғистоннинг икки давлат ўртасида ҳамкорликни ривожлантириш учун бор имкониятлардан фойдаланишини билдирди. 

Бундан ташқари, томонлар минтақавий хавфсизлик ва конфессиялараро зиддиятларни ҳал этиш масалаларини ҳам муҳокама қилдилар. 

Самер Ал-Сабҳан ўзаро алоқалар муҳокамасига имконият яратиб бергани учун Элбошига миннатдорчилик билдирди ва Қозоғистоннинг ислом оламидаги муаммоларни бартараф қилишда бажараётган хизматларини алоҳида тилга олди, Саудия Арабистони барча зиддиятларни фақат тинч йўл билан ҳал этиш борасидаги Н. Назарбаевнинг нуқтаи  назарини қўллашини айтди.

Учрашувда Президент ёрдамчиси 

Н. Ўнжанов, Ташқи ишлар вазири К. Абдирахманов ва Саудия Арабистонининг Қозоғистон Республикасидаги Элчиси Зоҳир бин Мутиш Ал-Эназий иштирок этишди.