Бу тадбир вилоят ҳокими Ж. Туймебаевнинг ташаббуси билан йўлга қўйилган 1 март – Шукрона куни  арафасидаги ўн кунлик доирасида уюштирилди.

Шимкент шаҳридаги “Дендробоғ”да ўтган умумхалқ шанба­ли­­­­­­­­­­­­гида этномаданият бирлашмалари аъзолари, зиёлилардан таш­кил топган 500дан кўпроқ одам байрамона кайфият билан иштирок этди.

 – Ватанимизнинг обод бўлиши ҳамда гуллаб-яшнашига, кўкаламзорлашишига ўз ҳиссасини қўшиш ҳар бир фуқаронинг бурчи деб биламан. “Шукрона куни” доира­сида минтақамиздаги этномаданият бирлаш­малари раислари ҳамда аъзолари қўлимизга хаскаш олиб, хиёбонни тозалашга киришдик. Тозалаш билан бирга аҳолини тотувликка чорлайдиган бугунги тадбирнинг аҳамияти катта, – деди шанбаликда ишти­рок этган вилоят грузин этномаданият бирлашмаси раиси Заал Бочоришвили.

“Ҳовлиси тозанинг ҳавоси тоза” шиори остида ўтган шанбалик куни минтақадаги барча туман ва шаҳарларнинг хиёбонлари, гулзорлари, ҳовлилари, кўчалари ва ариқ­лари тозаланди. Аҳоли манзилларини яшил масканга айлантириш мақсадида турли дарахтлар ўтқазилди.

Таъкидлаш жоизки, минтақамизда янги қиёфа ва янги мазмун билан бошланган ўн кунлик бугун “Шукрона куни” билан якун­ланади.