«Қозоғистон-Россия муносабатларини янги босқичга кўтарадиган барча имкониятларни амалга оширишимиз керак, – деди Қозоғистон Презденти Нурсултан Назарбаев «Қозоғистон – Россия: келажакни кўзлаётган иттифоқдошлик» мавзуида ўтган халқаро конференцияда», дея хабар беради Kazpravda.kz.

«Янги дунёвий шароитларда ўзгаришларга очиқ бўлишимиз ва алоҳида аҳамиятни тўла-тўкис амалга оширишга кўмаклашувчи муносабатларимиз салоҳияти сифатидаги бундай ғаройиблик ҳамкорликнинг янги шаклларини жорий этишимиз керак. Бунинг учун татбиқ этишда музокара майдончалари муҳим, уларда истиқболли ғоялар, келгусидаги ҳаракатлар режаси муҳокама қилинади», дейилади ҚР Хавфсизлик кенгаши котибининг ўринбосари Азамат Абдимўминов ўқиб эшиттирган Элбошимизнинг табрикномасида. 

Шунингдек, табрик нутқида конференциянинг икки давлат орасидаги стратегик муносабатлари тарихининг ўзига хос даврида ўтаётгани қайд этилган.

«Жорий йил XXI асрга мўлжалланган абадий дўстлик ва иттифоқдошлик Декларацияси имзоланганига 20 йил ҳамда XXI асрдаги яхши қўшничилик ва ўзаро манфаатли ҳамкорлик тўғрисидаги Шартнома имзоланганига 5 йил тўлиши сингари саналари билан эсда қолади. Конференция шунинг учун ҳам чуқур рамзий маънога эгаки, икки давлат ҳамкорлиги дўстлик ва ўзаро ҳамжиҳатлик пойдевори устига тикланган ва доимо келажакни кўзлайди», таъкидлайди Президент.

Шунингдек, у Қозоғистон ва Россиянинг барча соҳалардаги ўзаро ҳаракати иккала мамлакат узоқ муддатли манфаатларига асосланганлигини ҳам тилга олди.