Туманда ҳозирнинг ўзида экин май­донларида 50дан зиёд бригада ту­­­­­­­­­­­­зилиб, мингдан ортиқ одам ишла­моқда.

Февраль ойининг илк кунлари совуқ келиши натижасида, экиш иш­ларини 1-2 ҳаф­та кечикиб бошлаган “Абсаттар ата” деҳқон хўжалиги раҳбари Фа­зилбек Жарқинбеков май ойида ҳосил йиғишни режалаштирмоқда. 

– Иссиқхонада 150 минг туп карам кўчати тай­ёрланиб, 30 одамдан ибо­­рат бригада билан уни экишни бошладик.  Ишчиларга кунига 2000 тенгедан меҳнат ҳақи тў­ланади. Асосий маҳсулот 2 ой ичида пишиб, ети­лади. Яна карамнинг 90 кунда етиладиган навини ҳам экдик. Ўтқазилган кўчатни ёғингарчиликдан сақлаш учун махсус ёпинчиқдан фойдаланамиз. Энг асосийси – уларни яхшилаб парва­­­­риш­­­лашга эътибор қаратишимиз лозим, – дейди Ф. Жарқинбеков.

Мақтаараллик миришкорлар оғирлиги 1-1,5 кг.ни ташкил этадиган карамнинг “нидерланд пандион” навини экишмоқда. Эрта етиладиган карамга Европа ва Россиядан талаб катта. Шунингдек, карам йи­ғиш­тириб олингандан сўнг, қовун-тарвуз экишга ки­ришилади. Шундай қи­­­­­­либ, хўжаликлар 1 йилда икки марта ҳосил олишади. 

Ўтган йили апрель ойи­да илк маҳсулотни олган мақтаараллик деҳқонлар республиканинг қатор ви­­­­­­лоятлари ва Москва шаҳ­­­­­­­­­рини карам билан таъмин­­­­лаганди. 

Таъкидлаш жоизки, Мақ­таарал туманида ўт­ган йили 3877 гектарга саб­завот экилиб, ўрта ҳисобда 231,3 центнердан жами 89689 тонна маҳсулот етиштирилган бўлса, унинг 50 минг тоннадан зиёди карамдир.