Шимкент шаҳридаги А. П. Чехов номли мактабда устоз Раҳима ая Ортиқ­­­­­­­боеванинг номини абадийлаштиришга бағишланган тадбир ўтди. Уни жамоа раҳбари Анормат Ўрозов очиб, Раҳима Орифбой қизининг таржимаи ҳолига тўхталди.

Р. Ортиқбоева 1932 йил 10 октябрда Шимкент шаҳрида дунёга келди. 

Низомий номидаги Тошкент Дав­лат институтининг филология факульте­тида ўқишини давом эттириб, Н. Маллаев, М. Асқарова, Ў. Рашидов, Ш. Абдуллаева каби устозлар қўлида таҳсил олди.

1955 йил Шимкентдаги А. П. Чехов номли 21-мактабга ишга қабул қилинди. 35 йиллик хизмат фаолияти давомида тўп­лаган иш тажрибаси вилоят миқёсида оммалаштирилди. Қизиқарли дарслари, ранг-баранг мавзудаги илмий маърузалари, се­­­­­минар машғулотлари, адабий кечалари билан элга танилиб, шогирдлар, ота-оналар, ҳамкасблари ҳурматига сазовор бўлди.

Самарали меҳнати, касбига юксак масъулияти эвазига устоз вилоят ва ша­­­ҳар миқёсида Фахрий ёрлиқлар”, “Дип­лом”лар ва “Халқ маорифи аълочиси” ун­вони билан тақдирланди.

1960 йили ҳамкасби Муборакхон Имом­­­­­­­­­­­­­саидов билан ширин оила қуриб, ол­­ти фарзандни вояга етказдилар. 

Синф­­­­­­­­­­­­­­­­­­­­­­­хона очилиш маросимида қи­­­­­­­­­­­­­­­­­­­­­­­­­­­­­­­­­­­­­­­­­­­­­­зил тасмани қирқиш меҳмонлардан фах­­­­­­­­­­­­­­­­­­­­рий устоз Бегмат Турдиқулов, шо­гирд­ларидан Маҳмудали Усмонов ва Ўт­кир Аҳмедовларга топширилди. Сўнг, фо­нийдан ўтган устозлар руҳига Қуръон тиловат қилингач, Раҳима аянинг умр саҳифаларини ёритувчи видеолавҳа намо­йиш этилди.

Ҳамкасбларидан Ҳузра Ҳусанова, Ири­сой Омонқулова, Каромат Рашидова, шогирдлари Саодат Абдиева, Мўътабар Худойберганова, Саломат Эштоева ва Муҳайё Бегматовалар ушбу тадбирни уюштирган мактаб жамоаси ҳамда ус­тознинг оила аъзолари, фарзандлари (Озо­да Мусаева)га миннатдорчилик изҳор эт­дилар.