Давлат раҳбари Имомали Раҳмонни “Парасат” ордени билан тақдирлади

Тожикистон раҳбарининг мамлакатимизга расмий ташрифи доирасида Ақўрдада олиб борилган музокаралар чоғида Давлат раҳбари Нурсултан Назарбаев Тожикистон Республикаси Президенти Имомали Раҳмонни “Парасат” ордени билан тақдирлади.

– Сизнинг мамлакатларимиз ўртасидаги дўстликни ривожлантиришдаги хизматларингизни муносиб баҳолаб, Қозоғистонга бўлган чексиз муҳаббатингизни инобатга олган ҳолда “Парасат” ордени билан тақдирлашга ижозат бергайсиз, – деди Нурсултан Назарбаев.

Юксак унвон учун Имомали Раҳмон Қозоғистон Президентига ўзи ва тожик халқи номидан миннатдорчилик билдирди.

– Бу мукофот, нафақат менинг хизматларим, балки тожик халқининг хизматлари учун ҳам берилди, деб ҳисоблайман. 25 йилдан бери икки томонлама ҳамкорликни тобора ривожлантираётганимиз учун берилган мукофотдир. Тожикистон сизнинг ташаббусларингизни доимо қўллаб келган. Бизнинг алоқаларимиз ўзаро ишончга асосланган, биз ҳақиқий дўстлармиз. Илиқ қабул ва меҳмондўстлик учун катта раҳмат! – деди Имомали Раҳмон.